Elordada ótken jármeńkede ondaǵan kompanııa bos jumys oryndaryn usyndy
ASTANA. KAZINFORM – S.Seıfýllın atyndaǵy Qazaq agrotehnıkalyq zertteý ýnıversıtetinde elordalyq jastarǵa arnalǵan bos jumys oryndary jármeńkesi uıymdastyryldy, dep habarlaıdy Astana ákimdiginiń resmı saıty.
Іs-shara qala ákimdiginiń qoldaýymen ótip, júzdegen jumys izdeýshi men qalanyń jetekshi kásiporyndarynyń ókilderin bir alańǵa jınady. Jármeńkeniń negizgi maqsaty – joǵary oqý oryndarynyń túlekteri men naqty ekonomıka sektory arasyndaǵy baılanysty nyǵaıtý.
– Joǵary bilim týraly dıplom mańyzdy ról atqarady, alaıda bizdiń kompanııa úshin úmitkerdiń praktıkalyq daǵdylary basymdyqqa ıe, – dedi elordalyq kompanııalardyń biriniń dırektory Ásemgúl Jumabekova.
Jármeńke barysynda ondaǵan kompanııa alǵashqy suhbat ótkizip, birqatar úmitkerdi kelesi kezeńge shaqyrdy. Sonymen qatar karerlik koýchtar qatysýshylarǵa túıindeme ázirleý jáne ózin tanystyrý daǵdylaryn jetildirýge kómektesti.
Іs-sharada tehnıkalyq mamandyq ıelerimen qatar gýmanıtarlyq baǵyttaǵy kadrlarǵa da bos jumys oryndary usynyldy. Uıymdastyrýshylar ǵylym men óndiris arasyndaǵy baılanysty nyǵaıtýǵa erekshe nazar aýdarylǵanyn atap ótti.
– Mundaı kezdesýler qazirgi eńbek naryǵynyń suranysyn túsinýge jáne stýdentterdiń alǵashqy suhbat aldyndaǵy qorqynyshyn jeńýge kómektesedi, – dedi qatysýshylardyń biri.
Jármeńkege qatysa almaǵan azamattar úshin bos jumys oryndary tsıfrlyq jumyspen qamtý ortalyqtary men ákimdiktiń resmı resýrstarynda qoljetimdi.
Aıta keteıik, sottalǵandarǵa bos jumys oryndary jármeńkesi uıymdastyryldy.
