Elordada ótken táýlikte 100-den astam jol-kólik apaty boldy

ASTANA. KAZINFORM – 12 qazan kúni elordada 100-den astam jol-kólik oqıǵasy bolyp, 12 adam zardap shekti. 

«Aýa raıynyń nasharlaýyna baılanysty (qar jaýyp, keı jerlerde kóktaıǵaq paıda bolady) 12 qazanda elorda joldarynda 118 jol-kólik oqıǵasy tirkelip, 12 adam dene jaraqatyn aldy. Avtokólikterdiń jazǵy dóńgelektermen júrgen eskere otyryp, Polıtsııa departamenti júrgizýshilerden óte muqııat bolýdy, belgilengen jyldamdyq rejımin qatań saqtaýdy, kúrt tejegishti baspaýdy, qashyqtyq pen búıirlik aralyqty saqtaýdy, belgilengen oryndarda turaqqa qoıýdy, jol boıynda jeke kólikti qaldyrmaýdy, patrýldik polıtseılerdiń talaptaryn oryndaýdy suraıdy», - delingen Astana qalalyq polıtsııa departamentiniń habarlamasynda.

Polıtsııa departamenti astanalyqtarǵa joldarda óte muqııat bolýdy eskertti. Sonmen qatar polıtseıler elordalyqtarǵa kúrdeli meteojaǵdaıǵa baılanysty qala syrtyndaǵy trassalarda qozǵalystyń oqtyp-oqtyn shekteletinin eskere otyryp, alys saparlardan bas tartýǵa keńes beredi.

«Júrgizýshilerge ǵana emes, jaıaý júrginshiler de aıryqsha saqtyqtyq sharalaryn saqtaýy kerek. Ózińizdiń qaýipsizdigińiz úshin kóshelerdi belgilengen oryndarda kesip ótýge, jaryq qaıtaratyn elementterdi paıdalanýǵa, qulaqqaptardy alyp tastaýǵa jáne joldan ótý kezinde telefon arqyly sóılesýdi toqtatýǵa keńes beremiz», - dep atap ótti vedomstvodan.

Eske sala keteıiik, buǵan deıin «QazAvtoJol» 3 oblystaǵy ashyq turǵan joldardy ataǵan bolatyn.