Elordada ótip jatqan ІІ Halyqaralyq ıllıýzııa jáne sıqyr festıvali búgin qorytyndylanady (FOTO)
ASTANA. QazAqparat - Keshe Astana kúni merekesi aıasynda ІІ Halyqaralyq Magic Astana 2015 ıllıýzııa jáne sıqyr festıvaliniń ashylýy ótti. Saltanatty shara Beıbitshilik jáne kelisim saraıynda boldy. Festıval byltyr birinshi ret ótken. Bıyl da Magic Astana festıvaline álemniń úzdik sıqyrshylary jınaldy, dep habarlaıdy Astana ákimdiginiń resmı saıty.
Festıvaldiń birinshi kúni Beıbitshilik jáne kelisim saraıyna jınalǵan qaýym adamsengisiz tańǵajaıyp shoý tamashalady.
Sıqyrshylardyń aıtýynsha, qoıylymdar jan-jaqty. Astanalyq kórermenderdi Ońtústik Koreıadan kelgen qonaq An Ha Lim tánti etti. 24-shi Dúnıejúzilik sıqyr chempıonatynyń kúmis júldegeri álemde eshkim qaıtalaı almaıtyn kartalarmen jasalatyn manıpýlıatsııany kópshilik nazaryna usyndy.
Sondaı-aq, festıvalǵa Japonııadan kelgen qonaq Jinpei Washiro da qatysty. Ol arnaıy kenepke jarqyraıtyn boıaý men azdaǵan jaryqtyń kómegimen sýret saldy.
Budan basqa, «Brıtanııa daryndardy izdeıdi» shoýynyń fınalısti reseılik «ıÝdı» bı ujymy da óz ónerin ortaǵa saldy. 2007 jyly atalǵan top Birinshi arnada «Mınýta slavy» shoýynyń jeńimpazy atanǵan bolatyn. Magic Astana 2015 sıqyr festıvali Qazaqstanda ótetin biregeı shoý bolyp tabylady.
Sıqyr men ıllıýzııanyń ІІ Magic Astana 2015 halyqaralyq festıvali búgin, 6 shilde - Astana kúni, Beıbitshilik jáne kelisim saraıynda saǵat 19:00 qorytyndylanady.
