Elordada ótetin týrnırde qazaqstandyq tennısshilerdiń qarsylastary anyqtaldy
NUR-SULTAN. QazAqparat - Elordada 21-28 aqpanda ótetin chellendjer týrnırinde qazaqstandyq tennısshilerdiń qarsylastary anyqtaldy, dep habarlaıdy QazAqparat tilshisi.
Qazaqstan tennıs federatsııasy málim etkenindeı, jarystyń 1-raketkasy bolyp tirkelgen Mıhaıl Kýkýshkın birinshi aınalymda amerıkalyq Makkenzı Makdonaldpen kezdesedi.
Amerıkalyq sportshy erteń aıaqtalatyn Aýstralııa ashyq chempıonatynyń tórtinshi aınalymyna deıin jetken bolatyn. Ol tórtinshi aınalymda reseılik, osy «Úlken dýlyǵa» týrnıriniń fınalyna shyqqan reseılik Danııl Medvedevke jol berdi.
Dmıtrıı Popko elorda dodasynda irikteý saıystarynda jeńimpaz atanǵan tennısshilerdiń bireýimen oınaıdy.
Negizgi týrnırge shaqyrtý alǵan Denıs Evseev Ózbekstannyń 1-raketkasy Denıs Istomınmen sheberlik baıqasady. Tımofeı Skatov slovakııalyq Martın Klıjanmen synǵa túsedi. Taǵy bir qazaqstandyq Dostanbek Tashbolatov Úndistannyń 1-raketkasy Pradjnesh Gýnnesvaranmen kortqa shyǵady.
Eske sala keteıik, budan buryn 3 qazaqstandyq elordada ótetin chellendjer týrnırine shaqyrtý alǵanyn jazǵan bolatynbyz.
