Elordada ótetin senbilikte 5 myńǵa jýyq aǵash otyrǵyzylady
NUR-SULTAN. QazAqparat - Ekologııalyq aılyq aıasynda 12 qazanda Nur-Sultanda Búkilálemdik jasyl jelek otyrǵyzý kúnine arnalǵan respýblıkalyq aǵash otyrǵyzý aktsııasy ótedi, dep habarlaıdy QazAqparat elorda ákimdiginiń resmı saıtyna silteme jasap.
Jappaı aǵash otyrǵyzý aktsııasyna Parlament depýtattary, Prezıdent ákimshiliginiń, Ekologııa, geologııa jáne tabıǵı resýrstar mınıstrliginiń, Nur-Sultan qalasy ákimdiginiń, aýdan ákimdikteri, «Nur Otan» partııasy men basqarmalardyń qyzmetkerleri jáne ekologııalyq uıymdardyń ókilderi qatysady.
Aktsııaǵa 2600 adam úles qosyp, olardyń kómegimen qalada 4 667 jasyl jelek otyrǵyzylady. Aktsııa uıymdastyrýshylarynyń aıtýynsha, kompensatsııalyq aǵash otyrǵyzý sheńberinde 505 tal aǵash egiledi. Atap aıtqanda, Almaty aýdanynda - 427 túp aǵash, Baıqońyr aýdanynda - 1 170 túp, Esil aýdanynda - 1 465 túp jáne Saryarqa aýdanynda 100 túp aǵash egiledi.