Elordada ótetin senbilikke 81 myńnan astam adam, 460 jýyq tehnıka jumyldyrylmaq
ASTANA. QazAqparat - Senbi kúni Astana qalasynda «Biz - taza qala úshin!» uranymen jalpy qalalyq senbiligi ótedi. Oǵan 81 myńnan astam adam, 460 jýyq tehnıka jumyldyrylatyn bolady.
Ekologııalyq aılyq aıasynda Astanada qala aýmaǵyn sanıtarlyq tazartý, kósheler, trotýarlar men aýdan aýlalaryn retke keltirý, aǵash otyrǵyzý, sondaı-aq Esil ózeni arnalaryn, Aqbulaq pen Sarybulaqty qaldyqtardan arshý, aryqtardaǵy káriz júıesin tazalaý kózdelgen.
Aıta keteıik, jalpy qalalyq ekologııalyq senbilik aıasynda 3300 astam japyraqty shegirshin, súmbil terek, qyzyl tal, úıeńki men jıde aǵashyn otyrǵyzylmaq. Sondaı-aq, mektepter, balabaqshalar jáne medıtsınalyq uıymdar aýmaǵynda úsh myńǵa jýyq kóshet egiledi. 19 qyrkúıekte ótetin senbilikte jalpy 6,5 myńǵa jýyq kóshet otyrǵyzylady.
Jalpy qalalyq senbiliktiń negizgi maqsaty - qoǵam nazaryn qala kóshelerinde tazalyq saqtaýǵa aýdarý, ekologııalyq mádenıetti qalyptastyrý, óskeleń urpaqqa tárbıe berý. Sharaǵa qalamyzdyń kósheleri men aýlalaryn abattandyrýǵa nıet bildirgen qala turǵyndary men uıym ókilderi qatysa alady, dep habarlaıdy astana.kz.
