Elordada otbasylyq dýatlon ótedi
ASTANA. QazAqparat - 11 qyrkúıekte Trıatlon parkte búkil otbasyǵa arnalǵan shara ótedi. «Otbasylyq dýatlon» barysynda belsendi demalýǵa áýes jandar 2 km velosıpedpen baǵyndyrady, al balalar 500 m qashyqtyqqa júgiredi.
Qala ákimdiginiń saıtynyń habarlaýynsha, otbasylyq dýatlonǵa densaýlyǵyna qaraı belgilengen qashyqtyqty baǵyndyra alatyn eresekter men balalar qatysady. Balalar eki jas sanatynda saıysqa túsedi: 9-dan 11-ge deıin jáne 12-den 14 jasqa deıin.
Bul kúni erler 2 km júgiredi, al analar osy qashyqtyqty velosıpedpen baǵyndyrady, balalar 500 metrde jarysady.
Otbasylyq dýatlonǵa tirkelý úshin qatysýshylar family-duatlon@mail.ru elektrondy poshtasyna ótinish jiberýleri kerek. 11 qyrkúıekke deıin tirkelip úlgermegender, jarys ótetin kúni de ótinish bere alady. Tirkeý saǵat 9:00-10:30 aralyǵynda ótedi. Shara 11:00 bastalady.
Qashyqtyqty sátti baǵyndyryp, júldeli oryn alǵan otabsylar baǵaly syılyqtarmen marapattalady. Otbasylyq dýatlonnyń bas júldesi otbasyǵa arnalǵan Ystyqkólge joldama, kúmis júlde - elordalyq fıtnes-ortalyqtardyń birine otbasylyq abonement, al qola júldegerlerge velosıped beriledi.
