Elordada «Otbasy jáne mektep» jedel aldyn alý is-sharasynyń tórt kúninde 55 jasóspirim jáne 61 eresek adam ákimshilik jazaǵa tartyldy
ASTANA. Sáýirdiń 8-i. QazAqparat - Elordada sáýirdiń 5-inde bastalǵan «Otbasy jáne mektep» jedel aldyn alý is-sharasynyń tórt kúninde 55 jasóspirim jáne 61 eresek adam ákimshilik jazaǵa tartyldy. Bul týraly Astana qalalyq ІІD til saıasaty jáne aqparat bóliminen habarlady.
QR Іshki ister mınıstrliginiń nusqaýy boıynsha Astana qalasynda sáýirdiń 5-10-y aralyǵynda jalpy bilim beretin oqý oryndaryn qamtıtyn «Otbasy jáne mektep» jedel aldyn alý is-sharasy ótkizilýde. Bul is-sharanyń negizgi maqsaty - jasóspirimder jasaıtyn qylmystyń aldyn alý jáne eskertý, quqyq buzýshylyq baǵyttaǵy jasóspirimder tobyn, esirtkilik jáne psıhotroptyq zattardy, spırttik ishimdikterdi paıdalanatyn kámeletke tolmaǵandardy, úlgerimi nashar jasóspirimderdi, sonymen qatar, olarǵa alkogoldik ishimdik pen temeki ónimderin satatyn úlkenderdi anyqtaý.
Sonymen qatar túngi mezgilde oıyn-saýyq mekemelerinde júrgen kámelettik jasqa tolmaǵandardy anyqtaý jáne mekeme ıeleri men ata-analarǵa ákimshilik shara qoldaný maqsatynda ótkizilip jatqan sharaǵa ýchaskelik ınspektorlar, prokýratýra, bilim, densaýlyq saqtaý organdarynyń, «Nur Otan» HDP jastar qanatynyń ókilderi qatysýda.
«Olar tórt kúnde 105 bilim mekemesin, 35 kompıýterlik klýbty jáne 102 oıyn-saýyq ortalyǵyn teksergen. Nátıjesinde 12 laýazymdy qyzmetker men 11 ata-ana balalarynyń túngi ýaqytta oıyn-saýyq ortalyqtaryna barýyna jol bergenderi úshin ákimshilik jaýapkershilikke tartyldy. Sondaı-aq ishki ister bólimderine 254 jasóspirim jetkizilse, onyń 16-sy ishimdik ishkeni úshin ustalǵan. Osy kúnder aralyǵynda 55 jasóspirim, 61 eresek adam ákimshilik jazaǵa tartyldy. Al quqyq qorǵaý organynyń aldyn alý esebine 29 jasóspirim men 25 qolaısyz otbasy tirkeldi, delingen baspasóz habarlamasynda.
