Elordada Otbasy kúnine oraı jas jubaılar nekelerin qııady
ASTANA. 7 qyrkúıek. QazAqparat - Astanada 8 qyrkúıekte Qazaqstandaǵy Otbasy kúnine oraı «Meniń baqytty otbasym» festıvali ótedi. Bul týraly astana.kz saıtyna qalalyq Ádilet basqarmasynan habarlady.
Baǵdarlamada festıvaldiń saltanatty ashylýy, otbasylardy quttyqtaý, shyǵarmashylyq ujymdardyń oryndaýlary, jas sýretshilerdiń kartınalarynyń jáne otbasylyq fotosýretterdiń kórmeleri, sondaı-aq, «Shahmatty otbasy» shahmat týrnıri uıymdastyrylady.
Bul sharaǵa 6 mereıtoıly otbasy qatysady. Sonymen qatar, osy kúni 10-ǵa jýyq jup nekelerin qııady.
«Budan basqa, festıval aıasynda ata-analarǵa psıhologtar otbasylyq tárbıe boıynsha keńes beredi»,- delingen aqparatta. Festıval saǵat 12:00-de Jastar saraıynda ótedi.
