Elordada Otbasy kúnine oraı qandaı sharalar ótedi
NUR-SULTAN. QazAqparat - 13 qyrkúıekte Qazaqstanda Otbasy kúni atalyp ótedi. Elorda turǵyndary men qonaqtary úshin bul kúni teatrlar men murajaılar birqatar is-sharalaryn usynady, al kitaphanalar mereke qarsańynda konkýrstar, chellendjder men semınarlar ótkizedi.
Іs-sharalar onlaın-formatpen qatar, sanıtarııa talaptaryn qatań saqtaı otyryp, oflaın da ótkiziledi, dep habarlaıdy QazAqparat Nur-Sultan qalasynyń Іshki saıasat departamentine silteme jasap.
13 qyrkúıek kúni Táýelsizdik saraıynda Nur Otan partııasynyń qalalyq fılıaly men Nur-Sultan qalasy bilim basqarmasynyń qoldaýymen BILIM fotokórmesi uıymdastyrylady. Onda «Aqanaevtar áýleti» kórmesi ótip, onda «Meniń zamandastarym» atty janrlyq portretter toptamasy kórsetiledi. Oǵan respýblıkanyń bilim, mádenıet jáne beıneleý óneri salasyndaǵy tanymal qaıratkerleriniń 20-dan astam sýret-portretteri qoıylady.
Sondaı-aq, kelýshiler sharaǵa «Keńistiktegi qozǵalys» kórkem kórmesin, «Óner qarlyǵashtary» balalar kórmesin jáne Abaı Qunanbaevtyń 175 jyldyǵyna arnalǵan kórmeni tamashalaı alady.
«Kórmelerge kiretin adamdar sany shekteýli. Barlyq sanıtarlyq-gıgıenalyq normalardy saqtaı otyryp, onnan astam adam ǵana qatysa alady», - dep túsindirdi mádenıet basqarmasynyń ókilderi.
Nomad City Hall teatry 13 qyrkúıekte teatrdyń otbasylyq juptardan quralǵan ártisteri mýzykalyq quttyqtaýlarymen qala turǵyndaryn quttyqtaıdy.
Sáken Seıfýllın murajaıy 13 qyrkúıekte áleýmettik jelilerde «Otan - otbasynan bastalady» atty onlaın-dárisin ótkizedi. Sarapshylar otbasylyq qundylyqtardy saqtaý jáne nyǵaıtý týraly áńgimeleıdi.
13 qyrkúıekte «ALJIR» memorıaldy-murajaı kesheni áleýmettik jelilerde «Otbasy – baqyt mekeni» atty slaıdtar men kórme usynady.
M. Gorkıı atyndaǵy Memlekettik drama teatr 13 qyrkúıekte Danıl Homko men Polına Harlamovamen «Danıa +Polıa» tikeleı efırge shyqǵady jáne «Valentın kúni» qoıylymy kópshilikke kórsetiledi.
Nur-Sultan qalasy ákimdiginiń Qýyrshaq teatry «Volshebnye slova» onlaın-spektaklin kórsetedi.
13 qyrkúıektegi sharalardan basqa, qala turǵyndary apta boıy merekege arnalǵan is-sharalarǵa qatysa alady.
11 qyrkúıekte № 5 balalar kitaphanasynda «Otbasy - shaǵyn memleket» otbasylyq onlaın jarysy ótedi.
11 qyrkúıek kúni № 8 balalar kitaphanasynda «Beregı, moı drýg, semıý – krepost glavnýıý tvoıý» taqyrybynda onlaın dáris ótedi.
14 qyrkúıekte «Otbasy - ómir aınasy» onlaın sabaqtary № 4 jáne 12 kitaphanalarda ótedi.
Beıbitshilik jáne Kelisim saraıy 11 qyrkúıekte «Otbasy kúnin» ótkizedi. Nıet bildirýshiler «Otbasy kúni merekesiniń shyǵý tarıhy» ekskýrsııalyq sektorynyń tanymdyq saǵatyna baryp, «Men jáne meniń otbasym» baıqaýyna qatysa alady.
«Týǵan jer» stýdııasynyń balalar hory «Beıbit ómir sizderge» ánin oryndaıdy.
28 qyrkúıekte «Naz» memlekettik bı teatry áleýmettik jelide «Vremıa – jızn» horeografııalyq qoıylymyn kórsetedi.
Otbasy kúnin merekeleý qarsańynda, Nur-Sultan qalasy ishki saıasat basqarmasy 11 qyrkúıekte Otbasy ınstıtýtyn nyǵaıtýǵa, onyń bedelin arttyrýǵa, nekeniń ulttyq qundylyqtaryn nasıhattaýǵa, urpaqtardyń áleýmettik jáne mádenı sabaqtastyǵyn qamtamasyz etýge baǵyttalǵan «Baqytty otbasy – memlekettiń negizi» forýmyn ótkizedi.
12 qyrkúıekte saǵat 10:00-den 13:00-ge deıin Nur-Sultan qalasynyń Azamattyq bastamalar ortalyǵynda (Áýezov, 19) tegin psıhologııalyq jáne quqyqtyq keńes uıymdastyrylady. Sonymen qatar, turmystyq zorlyq-zombylyq qurbandaryna kómek kórsetý máseleleri boıynsha dóńgelek ústel ótedi.
M.Ótemisov atyndaǵy Oqýshylar saraıy «Baqyt tumary – meniń otbasym!» otbasylyq demo-kúnin ótkizedi.
Ál-Farabı atyndaǵy Oqýshylar saraıy «Shoqjuldyz» marafonyn bastaıdy. Vokal boıynsha tanymal tulǵalar ZOOM platformasynyń kómegimen ata-analarmen onlaın rejımde suhbattasyp, án aıtady.
Belsendi otbasylar alǵys hattarmen marapattalady.
