Elordada Orynbor kóshesindegi qozǵalys jartylaı shekteledi
ASTANA. QazAqparat - 16-17 maýsymda asfaltbeton jabynyn profılaktıkalyq qorǵaý jumystaryn júrgizý úshin Orynbor kóshesiniń Dostyq kóshesinen Kereı, Jánibek handar kóshesine deıingi bóligi jartylaı jabylady, dep habarlady qalalyq ákimdiktiń baspasóz qyzmeti.
Elordada jol jóndeý kestesine sáıkes qazirgi kezde myna kóshelerde tıisti jumystar júrgizilip jatyr:
- Manas k-si Abylaı han dańǵylynan tuıyqqa deıin - 25 maýsymǵa deıin;
- Sh. Ýálıhanov k-si Bógenbaı batyr dańǵylynan A. Baraev k-sine deıin - 17 maýsymǵa deıin;
- Qobylandy batyr k-si - 30 maýsymǵa deıin;
- R. Qoshqarbaev k-si B. Momyshuly dańǵylynan Sarykól k-sine deıin - 20 maýsymǵa deıin;
- A. Toqpanov k-si G. Alıev k-sinen B. Momyshuly dańǵylyna deıin - 25 maýsymǵa deıin;
- Qordaı k-si №14 k-sinen sońǵy aıaldamaǵa deıin - 20 maýsymǵa deıin;
- Vokzal mańyndaǵy alań - 25 maýsymǵa deıin.
Aldaǵy ýaqytta myna kóshelerinde jol jóndeý jumystaryn júrgizý josparlanǵan:
- S. Seıfýllın k-si A. Sembınov k-sinen Sh. Ýalıhanov k-sine deıin - 12.06.2016 - 20.06.2016;
Ústimizdegi jyldyń 10 shildesinen keıin myna jol ýchaskelerinde jóndeý jumystary bastalady:
- A. Petrov k-si Q. Sátpaev k-sinen Q. Muńaıtpasov k-sine deıin;
- Kóktal k-si N. Tilendıev dańǵylynan M. Dýlatov k-sine deıin;
- Bógenbaı batyr dańǵyly Saryarqa dańǵylynan K. Kúmisbekov k-sine deıin;
- J. Tashenov k-si Táýelsizdik dańǵylynan Taha Hýseın k-sine deıin;
- Táýelsizdik dańǵyly B. Momyshuly dańǵylynan A. Baıtursynov k-sine deıin.
Júrgizýshilerden qozǵalys baǵdarlaryn aldyn ala josparlaýdy suraımyz.
