Elordada órttengen páterden balany qutqarǵan áskerı qyzmetshi marapattaldy
NUR-SULTAN. QazAqparat - Órtenip jatqan páterden balany qutqaryp qalǵan Ulttyq ulannyń áskerı qyzmetshi medalmen marapattaldy, dep habarlaıdy QazAqparat Ulttyq ulanynyń baspasóz qyzmetine silteme jasap.
Іshki ister mınıstriniń buıryǵymen elordalyq 5573 áskerı bóliminiń efreıtory Aslan Qojahmetovke «Quqyq tártibin qamtamasyz etýge qosqan úlesi úshin» medali tabys etildi.
Sondaı-aq, Ulttyq ulan jaýyngeri osy áreketi úshin Tótenshe jaǵdaılar mınıstriniń alǵys hatymen de marapattalǵan.
Esterińizge sala keteıik, 10 maýsymda áskerı qyzmetshi qoıý tútindi baıqap, aıqaılap kómekke shaqyrǵan ájeıdiń daýysyn estıdi. Dereý tútin shyqqan páterge júgirip kelip, as úıden órtti óz kúshimen sóndirýge tyrysyp jatqan balany kóredi. Jaǵdaıdy baǵalaǵan Aslan birden balany qaýipsiz jerge alyp shyǵady. Jol-jónekeı órt sóndirý qyzmetine habarlasyp, órt shyqqan kireberistiń (podezdiń) basqa da turǵyndaryn evakýatsııalaýǵa kómektesedi.
