Elordada órtten eki adam japa shekti
NUR-SULTAN. QazAqparat – Elordada bolǵan órtten eki adam zardap shekti, dep habarlaıdy «QazAqparat» HAA Nur-Sultan qalalyq TJD baspasóz qyzmetine silteme jasap.
«Búgin saǵat 16:53-te «101» pýltine Sýbhanberdi kóshesi, 8-de bolyp jatqan órt týraly habar kelip tústi. Oqıǵa ornyna dereý saǵat 17:00-de Nur-Sultan qalalyq TJD bólimshesiniń órt sóndirýshileri bardy. «Tazalyq» kólik jýý ornynyń aýdany 30 sharshy metrlik tóbelik jabyny jáne «Land Cruiser» men «Mitsubishi» markaly eki avtokólik janyp jatqany anyqtaldy», - delingen habarlamada.
Órt saldarynan eki adam zardap shekti. Olar №1 qalalyq aýrýhanaǵa jetkizildi.
Órt saǵat 17: 27-de aýyzdyqtalyp, saǵat 17:37-de tolyǵymen sóndirildi. Órttiń sebebi anyqtalýda. Órt sóndirýge barlyǵy 4 birlik tehnıka men TJD jeke quramynyń 20 adamy jumyldyryldy.
