Elordada ortasha zeınetaqy mólsheri 43 478 teńgeni qurady
ASTANA. 17 qańtar. QazAqparat - Qazirgi ýaqytta Astanada ortasha zeınetaqy mólsheri 43 478 teńgeni quraıdy. Bul týraly astana.kz saıtyna qalalyq Jumyspen qamtý jáne áleýmettik baǵdarlamalar basqarmasynan habarlady.
2014 jylǵy 1 qańtarda zeınetaqy mólsheri barlyq sanattaǵy zeınetkerler (sonyń ishinde kúsh qurylymdarynyń zeınetkerleri) úshin 9 paıyzǵa ulǵaıdy. Vedomstvonyń habarlaýynsha, «2014-2016 jj. respýblıkalyq bıýdjet týraly» QR zańyna sáıkes 2014 jylǵy 1 qańtardan bastap aılyq eseptik kórsetkish (AEK) 1 852 teńge, eń tómengi zeınetaqy mólsheri (2014 jyly taǵaıyndalatyndarǵa) 20 782 teńge, ortasha zeınetaqy mólsheri 43 478 teńge, zeınetaqynyń eń kóp mólsheri 54 171 teńge, al bazalyq zeınetaqy tólemderi 9 983 teńge bolady.
«Qazaqstan boıynsha 5 922 421 is boıynsha zeınetaqy mólsheri arttyryldy, sonyń ishinde 145 336 is kúsh qurylymdaryna tıesili»,- delingen Basqarma habarlamasynda.
