Elordada Ortalyq Azııa volonterler forýmy ótip jatyr
«Bizdiń elde volonterlik is maqsatty jáne júıeli negizde damyp kele jatyr. Memleket bul baǵytqa jiti kóńil bólip keledi. Memleket basshysy Qasym-Jomart Toqaev 2020 jyldy Volonterler jyly dep jarııalady. Bul elimizde volonterliktiń damýyna qýatty serpin berdi. Qazaqstan Prezıdentiniń volonterlikti qoldaý týraly bastamasy sol kezde bastalǵan pandemııany eskere otyryp, ýaqtyly qabyldanǵan mańyzdy sheshim boldy», - dedi QR Parlamenti Senatynyń tóraǵasy Máýlen Áshimbaev forýmnyń ashylý saltanatynda.
Senat basshysynyń aıtýynsha, pandemııa órship turǵanda volonterler medıtsınalyq qyzmetkerlermen birge koronavırýspen kúreste aldyńǵy qatarda eńbek etti.
«Osynda otyrǵan kópshiligińiz pandemııa kezinde mańyzdy jumysqa qatysqandaryńyzǵa senimdimin. Volonterler sol kezeńde kómekke muqtaj jandarǵa qol ushyn sozyp, aýqymdy jumys atqardy. Aıtar bolsaq, dárigerler men medıtsına qyzmetkerlerine ystyq tamaq jetkizdi, otbasylar men halyqtyń áleýmettik osal toptaryna azyq-túlik pen dári-dármek jınap, jetkizdi. Osyǵan baılanysty barlyq eriktilerge pandemııa kezindegi batyldyq pen qajyrly eńbegi úshin taǵy da alǵys bildirgim keledi», - deıdi ol.
Aıta ketsek, forýmǵa Qazaqstan, Qyrǵyzstan, Ózbekstan, Túrikmenstan, Tájikstan jáne Ázirbaıjan, Belarýs jáne Reseıden 600-ge jýyq volonter qatysyp jatyr.
