Elordada «Ortalyq Azııa - Ońtústik Koreıa» 12-forýmy ótip jatyr
«Qazaqstan barlyq ýaqytta «Ortalyq Azııa – Ońtústik Koreıa» forýmynyń rólin nyǵaıtý úshin kúsh salyp keledi. Koreıa Respýblıkasymen óńir elderiniń yntymaqtastyǵyn damytýdaǵy aıryqsha qarym-qatynasymyzǵa Qazaqstannyń forýmǵa qatysý deńgeıin Syrtqy ister mınıstrlerine deıin kóterýge bastamashylyq jasaýy dálel bola alady. Bizdiń oıymyzsha, «Ortalyq Azııa – Ońtústik Koreıa» forýmynyń alańy Koreıa Respýblıkasyn Ortalyq Azııa elderimen ózara is-qımylyn nyǵaıtýda tıimdi tetik qyzmetin atqarady», - dedi forým jumysyn ashqan QR Syrtqy ister mınıstri Muhtar Tileýberdi.
Onyń atap ótýinshe, birneshe ǵasyrlyq tarıhy men mádenıetteri jaqyn Ortalyq Azııa elderi búginde álemniń qarqyndy damýshy óńirleriniń birine aınalyp otyr. Sonymen qatar Ortalyq Azııa elderi dúnıejúzinde mańyzdy strategııalyq jaǵdaıǵa ıe, adamı jáne ekonomıkalyq áleýeti joǵary. Tabıǵı jáne ónerkásiptik resýrstarǵa da baı.
«Qazaqstannyń Tuńǵysh Prezıdenti – Elbasy Nursultan Nazarbaev pen Qazaqstan Prezıdenti Qasym-Jomart Toqaev óńir elderimen baýyrlastyq qarym-qatynasty nyǵaıtýǵa aıryqsha nazar aýdarady. Bizdiń memleketterimizdiń kóshbasshylarynyń turaqty kezdesýleri jaqsy dástúrge aınalǵan. Senim men seriktestiktiń osy bir joǵary deńgeıin aıryqsha baǵalaımyz», - dedi M.Tileýberdi.
Aıta keteıik, sharaǵa Qazaqstan, Ózbekstan, Qyrǵyzstan Syrtqy ister mınıstrleri, al Túrikmenstan tarapynan Qazaqstandaǵy Elshisi qatysyp otyr.
