Elordada Orta Azııa elderiniń jas sýretshileri marapattaldy (FOTO)
ASTANA. QazAqparat - Búgin elordadaǵy Nazarbaev ortalyǵynda «Balalar álemdi salady. Ortalyq Azııa» atty halyqaralyq jas sýretshiler festıvalniń saltanatty jabylý rásimi ótti.
Festıval qatysýshylaryna QR Mádenıet jáne sport mınıstri, QR ıÝNESKO jáne ISESKO isteri jónindegi Ulttyq komııssııanyń tóraǵasy Arystanbek Muhamedıuly óz quttyqtaýyn joldady. Ony atalǵan vedomstvonyń jaýapty hatshysy Qýatjan Ýálıev oqyp berdi.
«Mádenı muraǵa baı kóp ultty qazaq eli ózindik qaǵıdatty jáne muratty qoǵamnyń jarqyn mysaly bola alady. Qazirgi ýaqytta jahandyq ózgerister men saıası oqıǵalardyń kezeńinde adamı qundylyqtardy saqtaý ıdeıalary jas urpaqtar úshin ózindik mańyzǵa ıe bolyp otyr. Qalyptasqan dástúr boıynsha elimiz 3-shi ret Orta Azııa elderiniń shyǵarmashyl daryndy balalaryn qabyldap otyr», - delingen mınıstrdiń quttyqtaýynda.
Uıymdastyrýshylardyń aıtýynsha, aǵymdaǵy jyly bul baıqaýǵa Qazaqstan, Qyrǵyzstan, Ózbekstan, Tájikstan, Túrkimenstan elderiniń 700-den astam jas qylqalam sheberi qatysqan. Solardyń ishinde salǵan týyndylary baıqaý tóreshileriniń kóńilinen shyqqan 150 oqýshy búgin marapatqa ıe boldy. Baıqaýǵa usynylǵan barlyq sýretter albom bolyp shyǵarylyp, jas sýretshilerge tabys etildi.
