Elordada órt sóndirýshiler 17 adamdy qutqardy
ASTANA. KAZINFORM — Tótenshe jaǵdaılar mınıstrliginiń qyzmetkerleri órt kezinde 17 adamdy qutqardy.
- Astana qalasynyń «112» pýltine Esil aýdanyndaǵy Saýran kóshesinde ornalasqan toǵyz qabatty turǵyn úıden órt shyqqany týraly habarlama kelip tústi. Oqıǵa ornyna TJM kúshteri jedel túrde jiberildi. Alǵashqy bólimsheler kelgen kezde birinshi qabattaǵy atelede ashyq jalyn baıqalyp, qoıý tútin bolǵan. Dereý órt sóndirý jumystary bastalyp, bir mezgilde úı turǵyndaryn evakýatsııalaý jumystary júrgizildi. TJM qyzmetkerleri úsh býyndy saty men avtosatyny paıdalana otyryp, joǵarǵy qabattardan 17 adamdy, onyń ishinde 4 balany qutqardy, - delingen TJM aqparatynda.
Atap aıtqanda, órt 50 sharshy metr aýmaqta tolyqtaı sóndirildi. Zardap shekkender joq.
Eske salsaq, jaqynda elimizdiń memlekettik orman qory aýmaǵynda 5 órt oqıǵasy tirkelgenin jazǵan edik.
