Elordada órt saldarynan 1 adam qaza taýyp, 2 adam aýrýhanaǵa jetkizildi
ASTANA. 13 tamyz. QazAqparat - Elordanyń Almaty aýdanynda 5 qabatty turǵyn úıdegi páterlerdiń biri órtendi. Tilsiz jaý 20 mınýttyń ishinde sóndirildi,
dep habarlady QR TJM baspasóz qyzmetinen.
Vedomstvonyń atap ótýinshe, 1 sharshy metr aýmaqty sharpyǵan órt kezinde ıis tıip ýlanǵan 57 jastaǵy azamat aýrýhanaǵa jetkizildi.
Qyzyl jalyndy óshirýge QR TJM Astana qalalyq tótenshe jaǵdaılar departamenti jeke quramynyń 15 mamany men 3 tehnıkasy tartyldy.
Sonymen qatar búgin túnde Saryarqa aýdanynda da 2 qabatty úıdegi páterlerdiń biri órtengen. 15 sharshy metr aýmaqty sharpyǵan órt ornynan 54 jastaǵy azamattyń denesi tabylǵan. Sonymen qatar kúıik shalǵan 31 jastaǵy áıel aýrýhanaǵa jetkizilgen.
Tilsiz jaýdy sóndirýge QR TJM Astana qalalyq tótenshe jaǵdaılar departamenti jeke quramynyń 15 mamany men 3 tehnıkasy jumyldyryldy.
