Elordada oraza kezinde namazdy kópshilikpen birge oqýǵa tyıym salynady
Nur-Sultan qalasynyń bas memlekettik sanıtar dárigeriniń orynbasary Janna Pralıevanyń aıtýynsha, 65-ten asqan adamdar áli de bolsa táýekel tobynda tur. Sondyqtan Ramazan aıynda olarǵa asa saq bolý usynylyp otyr.
«Ramazan aıynda ujymdyq quran baǵyshtaýǵa, juma jáne 5 ýaqyt namazdy kópshilikpen oqýǵa tyıym salynady. Qasıetti Ramazan aıynda aýyzashardy bir otbasy múshelerin qospaǵanda ujymmen, onyń ishinde úıde ótkizýge tyıym salynady. 65 jastan asqan adamdar áli de táýekel tobynda. Osyǵan baılanysty qasıetti Ramazan aıynda asa qajettilik bolmasa, turǵylyqty jerinen shyqpaý, onyń ishinde aýyzashar, qudaıy as ótken oryndarǵa barmaý usynylady», - dedi maman.
Atalmysh sharada Jannna Pralıeva elordada koronavırýs juqtyrǵandar bir aptada 12 paıyzǵa óskenin aıtty.
Sondaı-aq, ol dáriger orazany toqtatý týra keńes berse, qulaq asý kerektigin aıtyp otyr.
