Elordada Oralhan Bókeıdiń «Aýyl hıkaıalary» spektakliniń premerasy ótedi

«Altaıdyń Kerbuǵysy» atanǵan zańǵar jazýshy Oralhan Bókeıdiń áńgimeleri ómirsheńdigimen, tereń syrly lırıkasymen el júreginen óz ornyn alǵan.

«Aýyl hıkaıalary» dramasy sýretker O.Bókeıdiń «Apamnyń astaýy», «Qosh, mahabbatym» jáne «Mańdaıdan baǵyń shaıqalsa» áńgimeleriniń jelisi boıynsha sahnalanady.

Kórermender ókinish pen qoshtasý, qýanysh pen muń, mahabbat pen qımastyq sezimin bastan keshirip, kishi sahnada qoıylymnyń qatysýshyna aınalady. Qoıylym sizdiń júrek túbindegi ystyq sezimderdi oıatyp, asyl shaqtaryńyzdy eske alýǵa, siz úshin qymbat jandarmen taǵy bir márte tildesýge, syrlasýǵa múmkindik beredi.

Avtory: Oralhan Bókeı. Rejısserleri: Qazaqstannyń eńbek sińirgen qaıratkeri – Saılaý Qamıev, Nurjigit Mýslımov, Álı Bıdahmet, sýretshi –Aınur Esbolatova.

Ótetin orny: NOMAD CITY HALL

Meken-jaıy: Nur-Sultan qalasy, Máńgilik el dańǵyly, 55/2, B2-3. Bastalýy saǵat 19:00