Elordada ońtústikkoreıalyq medıtsına ortalyǵy ashylady
ASTANA. QazAqparat - Elordada Astana qalasynyń Densaýlyq saqtaý basqarmasy men Sung Kwang Medical Foundation Chaum medıtsınalyq qory arasynda yntymaqtastyq týraly memorandýmǵa qol qoıyldy. Taraptar №2 qalalyq aýrýhana negizinde ońtústikkorıalyq medıtsınalyq qordyń resmı keńsesin ashý týraly kelisim jasasty, dep habarlaıdy qalalyq ákimdiktiń baspasóz qyzmeti.
Elordalyq keńsede atalǵan ortalyqtyń klınıkalary týraly aqparat beriledi, sondaı-aq, qajetti zertteýler júrgizip, №2 qalalyq aýrýhana mamandary arqyly «Chaým» klınıkalaryna joldama alýǵa bolady. Sonymen qatar, ońtústikkoreıalyq úzdik mamandar respýblıka turǵyndaryna joǵary bilikti medıtsınalyq kómek kórsetedi.
Memorandýmǵa qol qoıýdyń maqsaty taraptar arasynda tin jasýshalaryn jáne ozyq medıtsınalyq tehnologııalardy paıdalanýdyń negizinde regeneratıvti medıtsınany damytý máseleleri boıynsha ózara yntymaqtastyq ornatý bolyp tabylady.
«Chaým» medıtsına ortalyǵy Koreıada jasýshalar tehnologııasy salasynda aldyńǵy qatarda. Búgingi tańda Azııadaǵy iri medıtsınalyq jáne zertteý ortalyǵy medıtsınanyń barlyq salalarynda qazirgi zamanǵy álemdik standarttar deńgeıinde joǵary bilikti kómek usynady jáne qartaıýǵa qarsy terapııa men kosmetologııaǵa mamandandyrylǵan.
Qazaqstandyq tarap ómir súrý uzaqtyǵyn ulǵaıtý, onkologııa jáne tserebraldy paralıchti, Altsgeımer aýrýyn emdeý jáne t.b. salasyndaǵy zertteýlerge erekshe qyzyǵýshylyq tanytyp.
Memorandým aıasynda birlesken zertteýler men ǵylymı jobalar ázirleý jáne iske asyrý, regeneratıvti medıtsına máseleleri boıynsha sımpozıýmdar, konferentsııalar, semınarlar men sheberlik táristerin uıymdastyrý, sonymen qatar, naýqastarmen almasý boıynsha turaqty baılanys ornatý boıynsha ózara jumys isteý, medıtsınanyń ózekti baǵyttary boıynsha bizdiń mamandardy Ońtústik Koreıada oqytý josparlanǵan.
