Elordada ońtústik-batys aınalma jolǵa baratyn ýchaske jabylady
NUR-SULTAN. QazAqparat – Elordada ońtústik-batys aınalma jolǵa shyǵatyn ýchaske 7 qazanǵa deıin tolyǵymen jabylady, dep habarlaıdy QazAqparat qala ákimdigine silteme jasap.
30 qyrkúıekten 7 qazanǵa deıin jol-qurylys jumystarynyń júrgizilýine baılanysty Kereı, Jánibek handar kóshesinen ońtústik-batys aınalma jolǵa deıingi ýchaskede avtokólik qozǵalysyn tolyq jabý josparlanyp otyr.
«Qalada keptelis týdyrmaý úshin júrgizýshiler baratyn baǵyttaryn aldyn ala josparlaýy qajet. Qolaısyzdyq úshin keshirim suraımyz jáne jóndeý jumystaryn júrgizýge túsinistikpen qaraýdy suraımyz», – delingen Kólik jáne jol-kólik ınfraqurylymyn damytý basqarmasy habarlamasynda.
