Elordada onkologııalyq aýrýlardyń aldyn alý boıynsha onkúndik ótip jatyr
ASTANA. QazAqparat - 4 aqpanda Astanada onkologııalyq ortalyqta Dúnıejúzilik qaterli isik aýrýlarymen kúres kúnine oraılastyrylǵan «Bizdiń qolymyzdan keledi! Meniń qolymnan keledi!» taqyrybynda fleshmob ótedi.
Qala ákimdiginiń baspasóz qyzmetiniń habarlaýynsha, shara halyqty obyr aýrýy, aldyn alý jáne ony erte anyqtaýdyń mańyzdylyǵy týraly habardar etýge septigin tıgizbek. Fleshmob barysynda qalalyq onkodıspanser qyzmetkerleri aqparattyq plakattar arqyly aýrýdyń belgileri men ony dıagnostıkalaý ádisteri týraly aıtyp beredi.
Sonymen qatar, ortalyqta Astana qalasynyń onkologııalyq dıspanseriniń bas dárigeri Muhtar Tóleýtaevtyń qatysýymen baspasóz maslıhaty ótkiziledi. Mekeme basshysy onkologııalyq aýrýlarǵa, ony erte anyqtaý jáne qaterli isikpen kúresý ádisterine qatysty suraqtarǵa jaýap beredi.
Aıta keteıik, Qazaqstannyń áleýmettik saıasatynyń basym baǵyttarynyń biri onkologııalyq aýrýlarmen kúres bolyp tabylady. Bıyl 1-10 aqpan aralyǵynda Qazaqstan Respýblıkasy densaýlyq saqtaý jáne áleýmettik damý mınıstrligi Salaýatty ómir saltyn qalyptastyrý problemalary ulttyq ortalyǵynyń uıymdastyrý-ádistemelik qoldaýymen onkologııalyq aýrýlardyń aldyn alý jáne ony erte anyqtaý boıynsha onkúndik ótedi.
Dúnıejúzilik qaterli isik aýrýlarymen kúres kúni - 2005 jyldan beri Halyqaralyq onkologııalyq aýrýlarǵa qarsy kúres odaǵynyń (International Union Against Cancer, UICC) uıymdastyrýymen jyl saıyn atap ótilip keledi.
