Elordada «Óner qyrandary» ázil-syqaq teatrynyń kontserti ótedi

Ónerli jastardan quralǵan teatrdyń tarıhyna keler bolsaq, ujymnyń barlyq múshesi - kásibı maman, T.Q.Júrgenov atyndaǵy Óner akademııasynan túlep ushqan. Alǵashqy qadamdaryn 2007 jyly Kóńildi tapqyrlar klýbynda (KVN) óner kórsetip bastady, jetistikke de jetti. 2008 jyly respýblıkalyq Premer lıganyń chempıondary atandy. 2009 jyly Almaty qalasynda «Qazaqstan KVN Odaǵynyń» uıymdastyrýymen ótken «Chempıondar lıgasynda» Chempıondardyń chempıony atandy. Dál osy jyly, quramy tolyqtyrylyp, 8 adamnan turatyn «Óner qyrandary teatry» bolyp quryldy.

Búginde teatr ázil-syqaq salasynda óz ornyn taýyp úlgerdi. 2010 jyly Óner qyrandarynyń uıymdastrýymen tuńǵysh ret akterlar men ánshilerden quralǵan «Juldyzdy gol» atty sporttyq joba uıymdastyryldy. Sondaı-aq, elimizdiń bedeldi telearnalarynda ujymnyń uıymdastyrýymen túrli jobalar kórsetildi. Atap aıtsaq, «31-telarnada» - «Juldyzben júzdesý» (2010), «1-evrazııa» arnasynda - «Bolshaıa raznıtsa v Kazahstane» (2011), «Qazaqstan» telearnasy - «Naýryz dýman», «Merekeli baq» (2012) jobalaryn búkil qazaqstandyqtar tamashalap, baǵasyn berdi.

Teatr músheleriniń porodııa janrynan da alys emes ekendigi barlyǵymyzǵy belgili. 2013 jyly Stýdentter saraıynda «Óner qyrandarynyń parodııa keshi» atty alǵashqy kontserti ótti. Al 2014 jyly Respýblıka saraıynda «Óner qyrandarynyń 10 jyldyǵyna 5 jyl qaldy» atty ekinshi jeke kontsert berdi. Qazirgi tańda teatr KTK arnasyndaǵy aýqymdy jobalardyń biri - «Toıbeststar Óner qyrandarymen» atty jobany júrgizýde.