Elordada on jasar qyzyn kóshede urǵan áıel 30 myń teńge aıyppulmen qutyldy

ASTANA. QazAqparat – Astanada kóshede qyzyn súırep júrip qol jumsaǵan áıelge sot úkimi shyqty, dep habarlaıdy QazAqparat tilshisi elorda sotyna silteme jasap.

Astana qalasynyń kámeletke tolmaǵandar isteri jónindegi mamandandyrylǵan aýdanaralyq soty M-ǵa qatysty ákimshilik isti qarady.

«Sotta anasy balany jalańaıaq, syrt kıimsiz, sport formasymen kóshege shyǵaryp, qyzynyń basyn janynda turǵan kólikke urǵany anyqtaldy. Sot barysynda anasy áreketin moıyndamaı, qyzyn kólikke otyrǵyzyp, esikti jabýǵa tyrysqanyn túsindirdi. Osy kezde qyzy kólikke otyrýdan bas tartyp, avtokólikke shyntaǵyn soǵyp alǵan», - delingen sottyń habarlamasynda.

Elorda sotynyń sheshimine saı balany uryp-soǵý faktisi beınejazbamen rastaldy.

Sondaı-aq, sot anasynyń minez-qulqyn jas balanyń damýyna jol bermeıtin jáne zııan tıgizetin qylyq dep tanydy.

Zań boıynsha ata-ana balanyń fızıkalyq, psıhıkalyq jáne moraldyq qalyptasýy úshin barlyq qajetti jaǵdaıdy jasaýǵa mindetti.

Sot áıeldi bala tárbıeleý jónindegi mindetterdi oryndamaǵany úshin kináli dep tanydy (ÁQBtK 127-babynyń 1-bóligi), óıtkeni onyń áreketi tárbıeniń ruqsat etilmegen ádisine jatady.

«ÁQBtK 127-babynyń 1-bóliginiń sanktsııasy 10 AEK mólsherinde aıyppul túrindegi jazany kózdeıdi. Sot anasyna eń joǵary jaza – 10 AEK kóleminde aıyppul taǵaıyndady», - deıdi qalalyq sottan.

Qaýly zańdy kúshine engen joq.

Eske salsaq, Astanada áleýmettik jelide eldiń kózinshe qyzynyń basyn kólikke soqqan áıeldiń vıdeosy taraǵan edi.

Vıdeodan alyn ǵ an kadr