Elordada «omıkron» shtamynyń tirkelýine baılanysty mamandar turǵyndardy vaktsına alýǵa shaqyrdy
Qalalyq sanıtarlyq-epıdemıologııalyq baqylaý departamenti basshysynyń orynbasary Janna Pirálıeva indettiń betin tek belsendi vaktsınalaý sharasy ǵana qaıtaratynyn aıtady.
«Jalpy, eldegi jaǵdaı kúrdelene tústi. Vaktsınatsııa úlken aǵynmen júrip jatqan joq. Biraq kez-kelgen jaǵdaıda vaktsınalaý jáne qaıta vaktsınalaý qajet. Sebebi búgingi tańda jalǵyz qorǵanys vaktsınatsııa jáne revaktsınatsııa bolyp qala beredi. Neǵurlym kóbirek vaktsına alsaq, indetti tezirek jeńý múmkindigi soǵurlym joǵary bolady», - dedi departament ókili qala turǵyndaryna.
Onyń aıtýyna qaraǵanda, «omıkron» delta-shtamǵa qaraǵanda 70 ese jyldam taraıdy.
«Eń birinshi tamaq aýrýdan bastalady. Dene qyzýy kóteriledi. Taǵy bir ereksheligi – adam tez arada sharshap, jatyp qalady. Eger tańerteń oıanǵanda ózińizdi nashar sezinseńiz, úıden shyǵýdyń qajeti joq. Eger siz naýqaspen baılanysta bolǵanyńyzdy uqsańyz, dárigerge barýyńyz kerek. Vırýsty taratpaý mańyzdy. Respýblıkanyń Bas memlekettik sanıtarlyq dárigeriniń qaýlysy boıynsha, bes kúnniń ishinde qalada aýrýshańdyq ósse, shekteýler qabyldanady», - dedi Janna Pralıeva.