Elordada oqýshylarǵa arnalǵan MÁMS bólimi qurylady
NUR-SULTAN. QazAqparat- Elordalyq emhanalarda mindetti áleýmettik medıtsınalyq saqtandyrý (MÁMS) boıynsha mektep oqýshylaryna arnalǵan bólim qurylady, dep habarlaıdy QazAqparat tilshisi.
«Elordada 4 mln-dy quraıtyn túrli baǵyttaǵy medıtsınalyq qyzmet kórsetý túri bar. Qalada 200 myń oqýshy bar. Oqýshylarǵa kórsetiletin medıtsınalyq qyzmet sapasyn arttyrý maqsatynda árbir emhanalyq ambýlatorııalyq mekemede mektepke arnalǵan bólim qurylady. Onyń ishinde 5,5 myń jeke mektep oqýshylary, sonymen qatar respýblıkalyq bilim berý mekemelerinde tartýdamyz. Elordada 105 medıtsınalyq mekeme MÁMS aıasynda kelisimshart jasaýǵa daıyn. Búginde olardyń barlyǵy da medıtsınalyq aqparattandyrý júıesimen qamtylǵan. Sol sııaqty olardyń 102-si Densaýlyq saqtaý mınıstrligine kiriktirilgen. Qalǵan 3 mekeme boıynsha da kiriktirý jumystary júrip jatyr, osy aıdyń 15-de aıaqtaý kózdelýde. MÁMS aıasynda kórsetilgen qyzmetke tólem aqysyn jasaýǵa kelsek, qaladaǵy 28 medıtsınalyq mekemeniń 14-de tólem termınaly ornatylǵan. Qalǵan 14 mekeme baıqaýǵa tıisti qujattaryn tapsyrdy», - dedi Nur-Sultan qalasy Qoǵamdyq densaýlyq saqtaý basqarmasynyń basshysy Sáýle Qısyqova ákimdikte ótken dóńgelek ústelde.
Basqarma basshysynyń sózine sensek, búginde elordada 4 849 dáriger jáne 8792 medıtsına qyzmetkeri bar. Sol sııaqty bıylǵy jyly 217 jas maman jumysqa ornalasty.
Buǵan deıin elordada MÁMS jumysyn qadaǵalaıtyn keńes qurylatynyn habarlaǵan bolatynbyz.
