Elordada oqýshylar jeke shkaftarmen qamtamasyz etile bastady
ASTANA. QazAqparat - Búgin Astana qalasynyń bilim berý qyzmetkerleriniń dástúrli tamyz keńesinde elorda ákimi Áset Isekeshev mektep oqýshylary jeke shkaftarmen qashan qamtamasyz etiletinin aıtty, dep habarlaıdy QazAqparat.
«Balalardyń bilim alýyna qolaıly jaǵdaı jasaý baǵytynda ata-analarmen kezdesýler ótkizdik. Áleýmettik jelilerde kóterilgen máselelerdi zerdeleýdemiz. Jańa oqý jylyna qaraı 42 mektepte balalar sý ishetin sýburqaqtardy ornatamyz, 13 mektepte bastaýysh synyp oqýshylaryna arnalǵan jeke shkaftardy qoıamyz. Oqý jylynyń barysynda barlyq mektepterdi atalǵan sýburqaqtarmen tolyqtaı qamtamasyz etpekpiz, al 2019 jyldyń sońyna deıin elordadaǵy túgel mektepti jeke shkaftarmen qamtamasyz etemiz», - dedi ákim.
Keńes barysynda Á. Isekeshev jyl saıyn mektep oqýshylarynyń sany qarqyndy túrde artyp kele jatqanyn atap ótti.
«Eger de 2010-2011 oqý jylynda bizdiń mektepterde 74 myń bala bilim alsa, bıylǵy jańa oqý jylynda 145 myń oqýshy keledi dep kútip otyrmyz. ıAǵnı sońǵy 6-7 jylda oqýshylar sany eki esege ósti», - dedi shahar basshysy.
Esterińizge sala keteıik, aǵymdaǵy jyldyń basynda QR Bilim jáne ǵylym mınıstri Erlan Saǵadıev vedomstvo elimizdiń mektepterinde árbir oqýshyny jeke shkaftarmen qamtamasyz etý baǵytynda tıisti sharalardy atqaratynyn habarlaǵan bolatyn.
