Elordada Oqýshylar saraıynyń mańynda saýda dúńgirshegi órtendi
NUR-SULTAN. QazAqparat – Elordanyń oń jaǵalaýynda saýda dúńgirshegi órtke orandy, dep habarlaıdy QazAqparat tilshisi.
«Búgin tańerteńgi saǵat 08.59-da Mámbetov kóshesi, 1 aýdanynda, Oqýshylar saraıyna jaqyn mańda órt bolyp jatqany týraly habarlama tústi. Órt sóndirý bólimshesi oqıǵa ornyna jetken kezde saýda dúńgirsheginiń órtenip jatqany anyqtaldy. Qutqarýshylardyń jedel áreketiniń arqasynda qyzyl jalyn saǵat 09.12-de sóndirildi. Jalyn 10 sharshy metr aýmaqty sharpydy. Zardap shekkender men qaza tapqandar joq. Órtti sóndirýge jeke quramnyń 2 tehnıkasy men 11 mamany jumyldyryldy»,- dedi Nur-Sultan qalalyq Tótenshe jaǵdaı departamentiniń baspasóz qyzmetinen.
