Elordada «Nurǵısa - qazaqtyń sulý sazdy júregi» atty ádebı-mýzykalyq keshi ótedi
ASTANA. Sáýirdiń 1-i. QazAqparat - Búgin elordadaǵy Prezıdenttik mádenıet ortalyǵynda belgili kompozıtor, dırıjer, dáýlesker dombyrashy, Qazaqstannyń jáne KSRO-nyń halyq ártisi, Halyq qaharmany Nurǵısa Tilendıevtiń 85 jyldyq mereıtoıyna oraı «Nurǵısa -qazaqtyń sulý sazdy júregi» atty ádebı-mýzykalyq keshi ótedi.
Bul aqparatty atalǵan ortalyqtyń baspasóz qyzmeti taratyp otyr.
«Uıymdastyrylyp otyrǵan sharanyń maqsaty - óskeleń urpaqty Nurǵısa Tilendıevtiń shyǵarmashylyǵymen tanystyrý, jastar arasynda halyq mýzykasyn nasıhattaý, tyńdarmandardy ulttyń rýhyn qurmetteýge, kúı ónerin dáripteýge úndeý», delingen baspasóz baıanynda.
Shara barysynda ekran arqyly Nurǵısa Tilendıevtiń ómirbaıany týraly qysqasha beıne rolıkter, slaıdtar kórsetiledi. Ánshi Perızat Turarova kompozıtordyń «Saǵyndym ǵoı», «Qustar» ánderin, Sáttibek Baıahov «Álqıssa» kúıi men «Aqqý» ánin, sonymen qatar 2008 jyly Ispanııada ótken orys konkýrsynyń, reseılik, qazaqstandyq konkýrstardyń laýreaty Anel Nısanova «Sarjaılaý» ánin oryndaıdy.
Kesh barysynda N.Tilendıevtiń ómirbaıanyna qatysty estelikter, shyǵarmalar jınaǵy jaıly kitap kórmesi uıymdastyrylady.
