Elordada nesıe áperem dep aldap, aqsha jymqyrǵan áıel izdestirilip jatyr
NUR-SULTAN. QazAqparat – Elorda polıtsııasy jedel-tergeý sharalary barysynda alaıaqtyq jasady degen kúdikke ilingen áıeldi anyqtady, dep habarlaıdy QazAqparat Nur-Sultan qalasy polıtsııa departamentiniń baspasóz qyzmetine silteme jasap.
Tártip saqshylarynyń málimetinshe, qazirgi kezde elordanyń eki turǵynyn aldap soqqan Qaraǵandy oblysynyń týmasy buǵan deıin osyǵan uqsas qylmystardy jasaǵany úshin Almaty qalasynda qamaýda bolǵan.
Elordada buryn «alaıaqtyq» baby boıynsha sottalǵan 32 jastaǵy kúdikti áıel jábirlenýshilerdi aldap, 900 myń teńge kóleminde aqshalaı somany qaltasyna basqan. Jábirlenýshilerdiń aıtýynsha, alaıaq áıel olardan bul somany «Damý» qorynan nesıe rásimdeýge kómekteskeni úshin alǵan.
Atalǵan tulǵanyń zańǵa qaıshy áreketterinen zardap shekken nemese ol týraly qandaı da bir málimet biletin azamattar Nur-Sultan qalasynyń Beıbitshilik, 19 mekenjaıynda ornalasqan polıtsııa departamentine nemese myna telefon nómirlerine habarlasa alady: 8 (7172) 71-61-71, 71-62-47, 71-60-10, 8-708-904-94-98, 102
