Elordada nekege turý ótinimderin Internet arqyly tirkeýge bolady
ASTANA. 5 mamyr. QazAqparat - Astanada nekege turý ótinimderin Internet arqyly tirkeýge bolady.Bul týraly búgin Astanada elordalyq Ádilet departamentiniń bastyǵy Qanat Mýsın málim etti.
«Sońǵy jyldary memlekettik qyzmet kórsetý úderisine eleýli ózgerister engizildi. Aqparattyq tehnologııalardyń damýy búginde halyqqa qyzmet kórsetýdi sapaly jańa deńgeıde jasaýǵa múmkindik berip otyr. Bul baǵytta bizde birqatar qyzmetterdi elektrondy formatqa aýystyrý sharalary qabyldandy. Máselen, ótken jyly alǵash ret zańdy tulǵalardy onlaın tirkeý qyzmeti, sondaı-aq kýáliktiń kóshirmesin, elektrondy anyqtamalardy Internet arqyly alý iske qosyldy», - dedi departament bastyǵy.
Onyń sózine qaraǵanda, nekege turýǵa nıetti azamattardan ótinimderdi Internet arqyly qabyldaý jumystary júrgizilip jatyr. «Bul qyzmet túrin byltyr 17 jup paıdalandy. ıAǵnı, jergilikti AHAT-qa baryp, kezekte turýdyń qajettiligi joq. Atap aıtqanda, portal arqyly nekeni tirkeýge ótinim berý múmkindigi jasalyp otyr»,-dedi Q. Mýsın.
Sonymen qatar ol bıyldan bastap «elektrondyq úkimet» portalynda elektrondy qyzmettiń jańa túrleri engizilgenin aıtyp ótti.
