Elordada Nazarbaev zııatkerlik mektebinde oqýshylar smartfon úshin taptalyp qala jazdady

ASTANA. KAZINFORM — Áleýmettik jelide oqýshylardyń mektep dálizinde toptalyp, bir-birine soqtyǵysyp jatqan vıdeo tarady. Belgili bolǵandaı oqýshylardyń bir jerge jınalyp qalýyna smartfon sebep bolǵan.  

Oqıǵa Astana qalasyndaǵy Nazarbaev zııatkerlik mektepteriniń birinde bolǵan. Mektepishilik tártip boıynsha balalar sabaq aldynda uıaly telefondy ótkizedi, oqý aıaqtalǵan soń qaıta alady. Dálizdegi keptelgen balalar óz smartfondaryn alýǵa talasqan. 

Atalǵan jaǵdaıǵa NZM-niń baspasóz qyzmeti túsinik berdi. 

— Barlyq mán-jaı jedel túrde anyqtalyp, mektep ákimshiligi bolashaqta osyndaı jaǵdaıdyń aldyn alý úshin qajetti shara qabyldady. Bul jaıt bir rettik sıpatqa ıe, tek bir ǵana mektepte boldy, — delingen habarlamada.

Sondaı-aq bilim oshaǵy oqý protsesi barysynda smartfondy paıdalanýdy shekteý bastamasy ishinara pılottyq joba retinde engizilgen habarlap otyr. 

Eske sala keteıik, byltyr Oljas Bektenov Nazarbaev ýnıversıteti jáne Nazarbaev zııatkerlik mektebiniń Joǵary qamqorshylyq keńes otyrysyn ótkizdi.