Elordada Naýryz meıramyna oraı 100-den astam is-shara ótedi
Qalanyń tórt aýdanynda Naýryz meıramy atap ótiletin 20-dan astam oryn anyqtaldy.
22 naýryzda saǵat 11:00-den 15:00-ge deıin barlyq aýdanda, sonyń ishinde elordanyń eldi mekenderinde «Naýryz Dýman 2022» mádenı-buqaralyq is-sharalar uıymdastyrylady. Іs-sharada vedomstvolyq baǵynysty uıymdardyń ártisteri men shyǵarmashylyq ujymdardyń qatysýymen kontserttik baǵdarlamasy, túrli kostıým kıgen keıipkerler men qýyrshaqtar shoýynyń baǵdarlamasy qarastyrylǵan. Sondaı-aq, jınalǵan jurt ulttyq sport túrleri boıynsha jarystarǵa qatysa alady, onyń ishinde – arqan tartý, asyq atý, toǵyz qumalaq jáne t.b. Bul kúni merekeniń basty belgisi – Naýryz kóje ulttyq taǵamy da jurtshylyqqa taratylady.
Almaty aýdanynda merekelik is-shara «Qazaq Eli» monýmenti alańynda, «Stýdentter» saıabaǵynda, Baıqońyr aýdanynda – «Atatúrik» saıabaǵynda, Jazýshylar alleıasynda, Esil aýdanynda – EKSPO aýmaǵynda jáne Úrker eldi mekeninde, Saryarqa aýdanynda – «Kóktal» saıabaǵynda jáne Demalys Promenade alańynda ótedi.
Sonymen qatar, 18-19 naýryzda qalada áleýmettik az qamtylǵan, kópbalaly otbasylarǵa, jalǵyz basty qart adamdarǵa jáne halyqtyń áleýmettik osal toptarynyń basqa da sanattaryna azyq-túlik sebetterin taratý josparlanýda.
Al, 19 naýryz kúni saǵat 11:00-de elordanyń Dostyq Úıi alańynda Qazaqstan halqy Assambleıasy qala turǵyndary úshin «Qosh keldiń, áz Naýryz!» is-sharasyn ótkizedi. Qonaqtardy kontserttik baǵdarlama, qoldanbaly óner boıynsha master-klastar, jármeńke jáne ulttyq sporttyq oıyndar boıynsha jarystar kútedi.
Dostyq úıinde kıiz úıler men altybaqan ornatylyp, naýryz kóje daıyndalady. Kıiz úılerdiń ishinde elordalyq etnomádenı birlestikterdiń ulttyq naqyshtaǵy ekspozıtsııalary qoıylady. Sondaı-aq, árbir kıiz úıde qoldanbaly óner boıynsha sheberlik synyptary kórsetiledi.
Saǵat 12.00-de bes baǵyt boıynsha ulttyq sporttyq jarystar bastalady: «Buqa tartys», «Asyq atý», «Gir kóterý», «Qazaqsha kúres», «Qol kúres». Jarys qorytyndysy boıynsha jeńimpazdarǵa aqshalaı syılyqtar beriledi.
Kontserttik baǵdarlamamen elordanyń etnomádenı ortalyqtarynyń kásibı, kórkem ujymdary óner kórsetedi.
18-31 naýryz aralyǵynda qýyrshaq teatry «Naýryz-dýman» qýyrshaqtar shoýyna shaqyrady. Qoıylymdardyń bastalý ýaqyty: 10:00, 12:00, 14:00 jáne 16:00.
Qalanyń ortalyqtandyrylǵan kitaphana júıesi de merekeden tys qalǵan joq. Qalalyq kitaphanalar kún saıyn Naýryz meıramyna oraı is-sharalar ótkizedi.
17 naýryzda №3 balalar kitaphanasy «Jasaı ber, Áz Naýryz» aqparat saǵatyn, al №4 balalar kitaphanasy – «Kóńil kóteremiz Naýryz merekesin qarsy alamyz» merekelik kaleıdoskopyn, sondaı-aq «Naýryz – birlik, beıbitshilik jáne jańarý merekesi!» is-sharalaryn ótkizedi. Dál osy kúni №5 buqaralyq kitaphanada «Sálem, Naýryz!», Ortalyq qalalyq kitaphanada – «Jarqyra, jaına Naýryzym!», №9 buqaralyq kitaphanada – «Ulystyń uly kúni Naýryz» keshi uıymdastyrylady. 18 naýryzda № 2 balalar kitaphanasynda «Ata-baba dástúrli-ádeptilik negiz» atty merekelik kezdesý, №4 buqaralyq kitaphanada «Naýryz dýman» ulttyq tarıh saǵaty, №7 buqaralyq kitaphanada «Armysyń áz naýryz! Aq mol bolsyn!», № 8 balalar kitaphanasyna «Naýryz keledi!» is-sharasy ótkiziledi.
19 naýryzda № 3 buqaralyq kitaphanada «Ulystyń uly kúni Naýryz» áńgime-oıynyn, №2 buqaralyq kitaphanada «Nur sebele – Ulystyń uly kúni» merekelik keshin, №10 buqaralyq kitaphanada «Qazaqsha stıldegi defıle» tarıh saǵatyn, №15 buqaralyq kitaphanada «Ulystyń uly kúni – Áz Naýryz!» kitap kórmesin uıymdastyrý josparlanýda.
Sáken Seıfýllın murajaıy osy aptada áleýmettik jelilerde Naýryz meıramy men Qazaq ulttyq dástúrlerine arnalǵan onlaın-is-sharalar ótkizedi.
25 naýryzda elordanyń Memlekettik Akademııalyq fılarmonııasynda «Naýryz syıy» Ulttyq syılyǵy ótedi. Joba tek mádenıetti ǵana emes, sonymen birge ulttyq baılyqtyń alýan túrliligin bildiretin halyq sheberlerine arnalǵan.
18-22 naýryz aralyǵynda Arnasaı kóshesi, 109 boıyndaǵy saýda pavılonynyń aýmaǵynda Naýryz merekesine oraı úlken aýyl sharýashylyǵy jármeńkesi uıymdastyrylady, onda ónimder bazar baǵasynan 15%-ǵa tómenge satylady.
