Elordada nan festıvali ótedi
ASTANA. 9 qazan. QazAqparat - Aldaǵy aıda elordada nan festıvali ótedi. Oǵan Astana qalasyndaǵy barlyq nan jáne kondıter ónimderin óndirýshiler qatysa alady.
Elordanyń resmı saıtynyń málimetinshe, baıqaýda jeńimpazdar daýys berý nátıjesi boıynsha anyqtalyp, úzdikter saralanady.
Sharanyń maqsaty - osyǵan deıin Tyń ıegerý óńirinde dástúrli túrde ótken nan festıvalin qaıta jańǵyrtý. Umyt bola bastaǵan bul festıval uzaq jyldan beri byltyr birinshi ret qaıta jalǵasyn tapty. Oǵan nan ónimderin óndiretin túrli kompanııalardyń 30-dan asa ókili qatysqan bolatyn.
«Bıylǵy nan festıvali bir kúnge josparlanǵan. Shara aıasynda jármeńke uıymdastyrylyp, qala turǵyndary nan ónimderin óndirýshiniń baǵasymen satyp ala alady. Odan ári BAQ ókilderine arnalyp baspasóz máslıhaty ótkiziledi, is-shara kontserttik baǵdarlamamen jalǵasady», - dep habarlaıdy Astana qalasynyń Kásipkerlik jáne ónerkásip basqarmasy Kásipkerlikti damytý bóliminiń bastyǵy Ásel Sapbaeva.
