Elordada Myńbaı Ráshtiń «Qyzyǵym da shyjyǵym da - ózimde» atty shyǵarmashylyq keshi ótedi
ASTANA. 17 qarasha. QazAqparat - QR Prezıdenttik mádenıet ortalyǵynyń kontsert zalynda 19 qarasha kúni saǵat 19.00-de qazaqtyń kórnekti epık aqyny, satırık-jazýshysy, jyrshysy,
QR eńbek sińirgen mádenıet qyzmetkeri, Halyqaralyq syqaqshylar baıqaýynyń jeńimpazy Myńbaı Ahmetkárimuly Ráshtiń 80 jasqa tolýyna arnalǵan «Qyzyǵym da shyjyǵym da - ózimde» atty shyǵarmashylyq keshi ótedi.
Qazaq satırasynyń aqsaqaly, aqyn-satırık Myńbaı Rəsh 1930 jyly Shyǵys Qazaqstan oblysynyń Aıagóz aýdanynda dúnıege kelgen. Abaı atyndaǵy pedagogıkalyq ınstıtýtynyń til-ádebıet bólimin támamdaǵan. Tuńǵysh týyndysy «Alǵashqy borozda» degen atpen 1955 jyly jeke jınaq bolyp jaryq kórgen. «Lenınshil jas» gazetinde (búginde «Jas Alash»), «Ara» basylymdarynda bólim meńgerýshisi, «Qazaqstan» baspasynda bas redaktor qyzmetterin atqarǵan. Qarymdy qalamgerdiń «Bile qoıdym», «Betiń qısyq bolsa...», «Tss... tisińnen shyǵarma», «Murja muryn», «Keri tartqandy beri tart», ózge de kóptegen syqaq kitaptary jaryq kórgen. Sondaı-aq, proza janrynda «Jeńis joldary» hıkaıatyn, «Men aıtpaı sirə, kim aıtar», «Juldyzdar jańǵyryǵy» atty estelik jazbalary bar. Onyń feletondary men novellalary, pamfletteri, kósemsóz ben jol sýrettemeleri ártúrli basylymdarda úzbeı jarııalanyp keledi.
Aqynnyń balalarǵa arnalǵan shyǵarmalary da bir tóbe: «Qııal qanaty» (1964), «Terek pen tikenek» (1978), «Sýyldaq» (1989) kitaptary.
Qalamgerdiń ədebı eńbegi joǵary baǵalanyp, oǵan «QR eńbek sińirgen mədenıet qyzmetkeri» ataǵy berilgen. «Eren eńbegi úshin», «Tyń jerdi ıgergeni úshin» «Qazaqstan Respýblıkasy təýelsizdiginiń 10 jyldyǵy» medaldarynyń ıegeri.
