Elordada «Mýzeı álemine saıahat» atty balalar kórkem sýret kórmesi ashylady
ASTANA. QazAqparat - QR Ulttyq mýzeıinde erteń Halyqaralyq mýzeı kúnine oraı «Keskindeme jáne grafıka» úıirmesi qatysýshylarynyń jumystarynan quralǵan «Mýzeı álemine saıahat» atty balalar kórkemsýret kórmesi ashylady. Bul týraly Ulttyq mýzeıdiń aqparattyq-ımıdjdik qyzmetinen habarlady.
Kórmeniń basty maqsaty - úıirme oqýshylarynyń shyǵarmashylyq jumystaryn qorytyndylaý jáne jasóspirimderdiń estetıkalyq tárbıesin qalyptastyrý.
«Sheber» stýdııasynyń «Keskindeme jáne grafıka» úıirmesi 2015 jyldyń maýsym aıynan bastap jumys istep keledi. Úıirmede Qazaqstan Respýblıkasy Sýretshiler odaǵy múshesi Muhtar Baıbosynov dáris beredi.
