Elordada muzdy sýǵa shomylý maýsymy ashyldy
ASTANA. QazAqparat - Ótken ǵasyrdyń 70-inshi jyldary ashylǵan «Sergektik» klýby elordalyq morjdardyń arasynda tanymaldylyqqa ıe, olardyń eń kishkentaıy nebári 3 jasta.
Muz ústinde oıyq jasaý jáne júgirip kelý - Qaırolla Kóptileýovtiń jeksenbi kúngi ýaqyty osylaı bastalady. Burynǵy áskerı qyzmetker densaýlyǵyn túzetpek bolyp, úsh jyl buryn osy baǵytqa den qoıǵan.
«Men buǵan deıin sýyq tıip kóp aýyrdym. Qystan qorqatynmyn. Kúzdigúni depressııaǵa túse bastaımyn. Keıin shynyǵýdy oıladym. Úshinshi qys boldy, tumaýdan adamyn», - deıdi «Sergektik» klýbynyń múshesi Qaırolla Kóptileýov.
Atalmysh klýbty aıazdy kúnderi sýǵa túsýdi jandary súıetin adamdar qurǵan. Qazir olardyń sany 200-ge jetken.
«Jergilikti morjdar tipti, eýropalyqtardyń tańdaıyn qaqtyrýda», - deıdi klýb jetekshileriniń biri Rýslan Moldybaev.
Qystyń qatal qurlyqtyq klımatynda sýǵa túsý eń tózimdilerdiń ǵana qolynan keledi. Biraq sýǵa súńgimes buryn, deneni qyzdyryp alý qajet.
«Ótken jyly biz Polshada Dúnıejúzilik morjdar festıvaline qatystyq. Baltyq teńizi qatpaıdy. Olarda aýa raıy bizge qaraǵanda anaǵurlym jumsaq, jylyraq. Bizdiń qandaı aýa raıy jaǵdaıynda sýǵa túsetinimizge, júgiretinimizge olar tańdanystaryn bildirdi», - dep atap ótti «Sergektik» morjdar klýby dırektorynyń orynbasary Rýslan Moldybaev.
Tájirıbeli morjdardyń aıtýynsha, qystyńgúni sý ishinde 5 mınýttan artyq turýǵa bolmaıdy. Sýdan shyqqannan keıin dereý kıinip, ystyq sháı ishý kerek.
Derekkóz: "Habar 24" arnasy.
