Elordada muz qalashyq pen ashyq aspan astyndaǵy erekshe galereıa paıda boldy
NUR-SULTAN. QazAqparat - Elordada otbasylyq demalys úshin muzdy qalashyq, ashyq aspan astyndaǵy erekshe galereıa paıda boldy, dep habarlaıdy QazAqparat ákimdiktiń saıtyna silteme jasap.
Botanıkalyq baq qysta qalaı ózgergeni týraly kreatıvti dırektor Krıstına Bekmyrzaeva aıtyp berdi.
«Botanıkalyq baq qalamyzdyń erekshe oryndarynyń biri. Bolashaqta bul jer Nıý-Iorktiń Gaıd parki sııaqty keremet jasyl saıabaq bolady dep oılaımyn. Biz baqty bezendirgen kezde bul jerde adamdar otbasymen ýaqyt ótkizgisi keletindeı etip jasaýǵa tyrystyq. Botanıkalyq baqty erekshe, qyzyqty bezendirdik. Birinshi onda sýretke túsý úshin kóptegen jer bar. Sonymen qatar, ashyq aspan astyndaǵy galereıamyz, shaǵyn sáýlet nysandary da bar. Jańa jyldyq shyrshanyń artynda sýretshilerimiz salǵan sýretter bar. Merekelik atmosfera sezilip, múldem basqasha qabyldanady», dedi kreatıvti dırektor.
Onyń aıtýynsha, ekinshi aımaqtyń negizgi ereksheligi – aqqala ornalasqan jer.
«Qazir aqqala sany 300. Qala turǵyndary aqqala sanyn arttyrýǵa kómektesse nur ústine nur bolar edi. Bizdiń jumysymyzdyń basty qaǵıdattarynyń biri - bul partısıpatıvti tásil. Sondyqtan qala turǵyndary atsalysyp, botanıkalyq baqty bezendirýge óz úlesterin qosady dep úmittenemiz», - dedi Krıstına Bekmyrzaeva.
Úshinshi aımaq - eń basty aımaq. Bul jerde jańa jyldyq shyrsha ornalasqan. «Eger siz shyrshaǵa nazar aýdarsańyz, shyrshanyń qarlyǵashtarmen bezendirilgenin baıqaısyz. Bul sýretshilerdiń sheshimi. Qarlyǵash – kelesi jyldyń baqyt sımvoly. Sondaı-aq, qala turǵyndaryna yńǵaıly bolý úshin biz jyly sferalar ornattyq. Aıazdy kúnderi dalada demalý úshin jaǵdaı jasaýǵa tyrystyq. Sondaı-aq, biz balalar úshin arnaıy kishkentaı hokkeı alańyn jasadyq. Ata-analarymen birge kelip oınaı alady. Bezendirý elementteri qala turǵyndaryn otbasymen ýaqyt ótkizýge yntalandyrýy kerek. Sondyqtan bizdiń festıval «NS Family WinterFest dep atalady», - dedi Krıstına Bekmyrzaeva.
