Elordada mýnıtsıpaldy ekskýrsııalyq avtobýstar júredi
ASTANA. QazAqparat - Astanada 4 tildi (qazaq, orys, aǵylshyn, qytaı) aýdıojúıemen jabdyqtalǵan eki qabatty ekskýrsııalyq avtobýstar júretin boldy. Qazirgi kezde Esil ózeniniń sol jaǵalaýynda uzyndyǵy 20 km artyq arnaıy tuıyq marshrýt ázirlendi.
2014 jyly elordada jeke menshikti kompanııa osy sııaqty avtobýstardy paıdalanǵan bolatyn. Búginde jobany «Astana Konvenshn bıýro» JShS jeke menshikti ınvestor «Sightseeing tours» JShS esebinen júzege asyrýda, dep habarlaıdy elorda ákimdiginiń resmı saıty.
Ekskýrsııalyq avtobýs elordanyń kóptegen kórikti jerleriniń janynan ótedi, jáne qozǵalys barysynda myna aıaldamalarǵa toqtaıdy:
- «Dýman» OO,
- «Han Shatyr» SOO,
- «Qazaq Eli» monýmenti janyndaǵy alań,
- «Astana Báıterek»monýmenti.
Sonymen qatar, Esil ózeniniń oń jaǵalaýyn da qamtyp, marshrýtty uzartý kózdelgen, onda kelesi aıaldamalar bolady:
- Astana Park - Turan dańǵylyndaǵy ortalyq kireberis;
- Esil ózeniniń jaǵalaýy, jaıaý júrginshiler kópiriniń janynda;
- Abaı dańǵyly, Ortalyq alań;
- Respýblıka dańǵyly Imanov kóshesiniń buryshy;
- QR Qarýly kúshteriniń Áskerı-tarıhı mýzeıi.
Esil ózenindegi marshrýttyń uzyndyǵy - 80-100 mınýt, avtobýstardyń ıntervaly 30-40 mınýt, jumys ýaqyty - saǵat 10:00-20:00. Bıletterdi aldyn ala ótinim berý arqyly jáne avtobýstyń ishinde satyp alýǵa bolady. Eger ekskýrsııaǵa qatysqyńyz kelse myna telefon boıynsha habarlasýǵa bolady: 8-777- 222-28-38.
Bılettiń quny sanatqa (balalar,eresekter,zeınetkerler, stýdentter, erekshe qajettilikteri bar tulǵalar) baılanysty ártúrli bolady.
Munymen qosa, «Hop-on/Hop-off» bılet júıesi qarastyrylǵan, ıaǵnı, jolaýshy kez kelgen sátte avtobýstan túsip, mýzeı nemese kórikti jerlerdi aralaıdy, sodan keıin kez kelgen arnaıy aıaldama kesheninen ekskýrsııalyq avtobýsqa qaıta otyra alady.
