Elordada «Munaı jáne gaz, Qazaqstan 2010» atty 2-shi halyqaralyq kórme ashyldy
STANA. Sáýirdiń 20-sy. QazAqparat - Búgin elordada «Munaı jáne gaz, Qazaqstan 2010» atty 2-shi halyqaralyq kórmeniń ashylýy ótti, dep habarlady «QazMunaıGaz» UK AQ baspasóz qyzmetinen.
Kompanııanyń habarlaýynsha, ashylý rásimine «QazMunaıGaz» UK AQ-nyń bıznesti qoldaý jónindegi jetekshi menedjeri Serikbek Elshibekov, Rýmynııanyń Qazaqstandaǵy Tótenshe jáne Ókiletti Elshisi Emıl Rapcha qatysty.
Kórmeniń ashylýynda sóz sóılegen «QazMunaıGaz» UK AQ-nyń bıznesti qoldaý jónindegi jetekshi menedjeri S.Elshibekov «kórme Qazaqstannyń, TMD memleketteriniń jáne alys sheteldik kompanııalardyń qatysýymen búkil astanalyq kórme sharalardyń ortalyǵy bolýy múmkin. Turaqty qatysýshylarǵa yńǵaılyǵy jaǵynan kórme ınvestıtsııalyq jobalardyń jáne kompanııalar qyzmetteriniń tusaýkeserin ótkizý úshin qosymsha alań bolýǵa laıyqty», dep atap ótti.
Kórme jumysyna qazaqstandyq, reseılik, brıtandyq, túrkııalyq, ıtalıandyq, mysyrlyq, ýkraındyq, túrikmendik jáne t.b. kompanııalar qatysyp otyr.
Kórme sáýirdiń 22-ine deıin jumys isteıdi.
