Elordada múmkindigi shekteýli jandarǵa arnalǵan ońaltý lageri ashyldy
ASTANA. QazAqparat - Elordalyq Jumyspen qamtý jáne áleýmettik baǵdarlamalar basqarmasynyń habarlaýynsha, Astana qalasynyń ákimdiginiń qoldaýymen «DOS» Táýelsiz ómir ortalyǵy» múgedektigi bar jandarǵa belsendi ońaltý lagerin ashty.
Ortalyqty ashý maqsaty - múgedektigi bar jandardyń ómirge degen belsendiligin arttyrý bolyp tabylady.
Júzege asyrylǵan áleýmettik joba aıasynda múmkindigi shekteýli jandar týrızm salasy boıynsha dáris, psıhologııalyq jáne zańgerlik keńester ala alady, dep habarlaıdy ákimdiktiń resmı saıtynda. Múgedekter úshin sporttyq is-sharalar, dóńgelek ústelder men art-terapııa, ózin-ózi baǵalaý boıynsha trenıngter uıymdastyryldy.
Budan bólek, spa-protsedýra, basseın, kúndelikti tańǵy jattyǵýlar, serýen, karaoke jáne dıskoteka sııaqty qamtylǵan arnaıy baǵdarlamalar daıyndaldy.
