Elordada múmkindigi shekteýli jandarǵa arnalǵan bos oryndar jármeńkesi ótti

ASTANA. QazAqparat - Astana qalasynyń Jumyspen qamtý ortalyǵynda múmkindigi shekteýli jandarǵa arnalǵan bos oryndar jármeńkesi ótti. Atalmysh shara múgedekterdi jumyspen qamtý aılyǵy aıasynda uıymdastyryldy. Bul týraly elordanyń resmı saıtynda habarlady.

Úsh saǵat boıy ótken jumys jármeńkesine elordanyń 150-ge jýyq múmkindigi shekteýli tulǵasy qatysty. Jármeńke aıasynda Astana qalasynyń 20-dan astam jumys berýshi mekemeleri kúzetshi, esepshi, polıgrafııa mamandary jáne t.b. jumys oryndaryn usyndy. Jármeńke sońynda shamamen 80 adamdy kompanııa tarapynan suhbattasýǵa shaqyryldy.

Sondaı-aq, bos oryndar jármeńkesinde «Jumyspen qamtý jol kartasy - 2020» áleýmettik baǵdarlamasy boıynsha keńester berildi.