Elordada múmkindigi shekteýli jandardyń máseleleri talqylandy
Otyrysty ashqan Serik Shápkenov múmkindigi shekteýli jandardy áleýmettik qorǵaý salasyndaǵy memlekettik saıasat halyqtyń osy sanatynyń qoǵamǵa tolyqqandy ıntegratsııalanýyna jáne basqalarmen teńdeı ómir súrip, jumys istep, bilim alýy, qoǵam ómirine erkin qatysýy, belgili bir sheshimder qabyldaýy jáne t. b. úshin kedergilerdi eńserýge, joıýǵa baǵyttalǵanyn atap ótti.
«Qazaqstanda múgedektigi bar adamdardyń quqyqtary men zańdy múddelerin qamtamasyz etý úshin áleýmettik qorǵaýdyń kóp deńgeıli júıesi jumys isteıdi. Oǵan mynalar kiredi: áleýmettik járdemaqylar men tólemder túrindegi memlekettik kómek pen qoldaý; áleýmettik ońaltý aıasynda aǵzanyń joǵaltqan fýnktsııalarynyń ornyn toltyrý; arnaýly áleýmettik qyzmetter kórsetý», – dedi mınıstr.
Іs-shara barysynda QR Eńbek jáne halyqty áleýmettik qorǵaý vıtse-mınıstri Rýslan Sákeev halyqty áleýmettik qorǵaý salasyndaǵy zańnamany jetildirý týraly baıandama jasady.
«2019 jyly Úkimet Múgedektigi bar adamdardyń quqyqtaryn qamtamasyz etý jáne turmys sapasyn jaqsartý jónindegi ulttyq jospardy bekitti, ol 7 baǵytty qamtıdy jáne 64 is-sharadan turady. Jospardy jeti ortalyq memlekettik organ júzege asyrady», – dep eske saldy R. Sákeev.
Eńbekmıni Ulttyq jospardy iske asyrý sheńberinde múgedektigi bar adamdardyń quqyqtary men áleýmettik qorǵalýyn qamtamasyz etý jónindegi zańnamany jetildirýde.
«Sońǵy eki jylda osy baǵytta biz 1 kodeksti, 2 zańdy, Prezıdenttiń 1 Jarlyǵyn, Úkimettiń 2 qaýlysyn, Ulttyq bank basqarmasynyń 1 qaýlysyn, mınıstrlikterdiń 12 buıryǵyn ázirleý jáne ózgerister engizý boıynsha jumys júrgizdik. 12 qazanda Memleket basshysy «Qazaqstan Respýblıkasynyń keıbir zańnamalyq aktilerine azamattardyń jekelegen sanattaryn áleýmettik qorǵaý máseleleri boıynsha ózgerister men tolyqtyrýlar engizý týraly» Zańǵa qol qoıdy. Bul qujat boıynsha jumys 2019 jyly bastaldy. Onyń negizinde Parlament Senaty men Májilisiniń jumys toby músheleriniń, múgedekterdiń quqyqtaryn qorǵaý máseleleri jónindegi úılestirý keńesiniń, sondaı-aq jurtshylyq pen saraptama qoǵamdastyǵynyń usynystary bar. Bul normalardy «Nur Otan» partııasy qoldady jáne olar saılaýaldy tuǵyrnamada kórinis tapty», – dedi Rýslan Sákeev.
Vıtse-mınıstr Zań 19 tujyrymdamalyq túzetýden turatynyn jáne 16 zańnamalyq aktige ózgerister engizýdi qarastyratynyn atap ótti.
Máselen, múgedektiktiń sebebine qaramastan, I toptaǵy múgedektigi bar adamdarǵa kútimdi júzege asyratyn azamattar úshin járdemaqy engizildi.
Balanyń densaýlyǵynyń buzylý jáne tirshilik áreketiniń shektelý dárejesin eskere otyryp, zańda 7 jastan 16 jasqa deıingi balalardy múgedektik toptary boıynsha bólý kózdeledi. Bul shara kórsetiletin ońaltý is-sharalary men áleýmettik kómekti, onyń ishinde balalar aýrýynyń aýyrlyq dárejesine qaraı járdemaqylar mólsheri bóliginde saralaýǵa múmkindik beredi.
Bul rette múmkindigi shekteýli balalardyń barlyq toptary úshin járdemaqy mólsheri 16,7%-dan 37%-ǵa deıin ulǵaıtyldy. Bul shara 30 myńnan astam múgedektigi bar balaǵa qatysty boldy.
Sondaı-aq zańda múgedektigi boıynsha jáne asyraýshysynan aıyrylý jaǵdaıy boıynsha járdemaqylardy bir mezgilde alý quqyǵyn berý kózdeledi. Bul asyraýshysynan aıyrylǵan jáne quramynda múgedektigi bar balalary bar otbasylardyń tabys deńgeıin arttyrýǵa múmkindik berdi.
Sonymen qatar, zańda múgedek balaǵa kútim jasaý kezeńin 18 jasqa deıin uzartý kózdelgen, bul jasyna baılanysty zeınetaqy tólemderi men bazalyq zeınetaqyny taǵaıyndaýǵa oń áserin tıgizedi.
Arnaýly áleýmettik qyzmetter kórsetýdiń tıimdiligi men ataýlylyǵyn arttyrýǵa baǵyttalǵan ózge de normalar qosymsha engizildi.
Іs-sharaǵa ortalyq memlekettik organdar men múgedektigi bar adamdardyń qoǵamdyq uıymdarynyń ókilderi qatysty. Beınebaılanys rejıminde keńeske 14 oblys, Nur-Sultan, Almaty jáne Shymkent qalalary ákimderiniń orynbasarlary, QR Parlamenti Senatynyń depýtaty Aqmaral Álnazarova, QR Parlamenti Májilisiniń depýtaty Asqar Beısenbaev, QR Adam quqyqtary jónindegi ýákil Elvıra Ázimova, QR Bala quqyqtary jónindegi ýákil Arýjan Saın, BUU Damý Baǵdarlamasy men BUU Balalar qorynyń (UNDPA, UNISEF) ókilderi qosyldy.
