Elordada múmkindigi shekteýli jandar arasynda bı bıleýden QR chempıonaty ótedi
ASTANA. QazAqparat - 12-13 sáýirde elordada Táýelsizdik saraıynda qazirgi zamanǵy jáne sporttyq bı bıleýden IV bı olımpıadasy aıasynda múmkindigi shekteýli jandar arasynda arbada otyryp bı bıleýden QR chempıonaty ótedi. Bul týraly Astana qalalyq Týrızm, dene shynyqtyrý jáne sport basqarmasynan habarlady, dep jazady elorda ákimdiginiń resmı saıtynda.
Jarysqa Qazaqstannyń 5 óńiriniń sportshylary qatysady. Atap aıtqanda, Astana qaalasynan, OQO, Qaraǵandy, Jambyl jáne Atyraý oblystarynan úmitkerler óz baqtaryn synaıdy. Jarystyń bas tóreshisi - Halyqaralyq Paralımpıadalyq komıtettiń ókili. Aıta keteıik, elordalyq «Qaısar» sport klýby arbamen bıleýdi damytýdy qolǵa aldy. Atalmysh sport túrinen halyqaralyq dodalar da uıymdastyrylady. QR chempıonatyna «Qaısar» SK tárbıelenýshisi, arbamen bıleýden 2013 jylǵy Álem chempıonatynyń qola júldegeri Ardaq Otarbaev qatysady. Bı olımpıadasy aıasyndaǵy jarys bir ýaqytta eki zalda ótedi. Budan basqa, Olımpıadaǵa Qazaqstannyń óńirlerinen barlyq bı baǵyttary boıynsha bıshiler qatysady. Atap aıtqanda, balet, halyq, shyǵys, bal jáne estradalyq bıler, step, salsa, arbamen bıleý jáne t.b. Eske salaıyq, jarys 12-13 sáýirde Táýelsizdik saraıynda saǵat 10:00-19:00 ótedi. Bul shara QR Paralımpıadalyq komıtetiniń, «Nur Otan» partııasynyń, QR Sport jáne dene shynyqtyrý agenttiginiń, Astana qalasynyń Týrızm, dene shynyqtyrý jáne sport basqarmasynyń, Astana qalasynyń Mádenıet basqarmasynyń jáne «Qazaqstan múgedekter konfederatsııasy» QB qoldaýymen ótkiziledi.
