Elordada múmkindigi shekteýli balalarǵa arnalǵan sport festıvali ótip jatyr
Balalar jyly aıasynda ótip jatqan is-sharaǵa elimizdiń 16 qalasynan kelgen 350 múmkindigi shekteýli bala qatysady. Mınıstrlik málimetinshe, qatysýshylar sporttyń 10 túrinen saıysqa túsedi.
«Bul – qazaq sporty jáne elimizdiń paralımpıadalyq qozǵalysy úshin aıtýly oqıǵa. Sportshylar baq synaıtyn oıyn túrleri olardyń boıyndaǵy erlik pen tabandylyq qasıetterin shyńdaıdy. Sonymen qatar, qatysýshylar ózderiniń quqyqtary men múmkindikteriniń teń ekenin sezinedi. Sizder ózgeris elshilerisizder. Sizderdiń jeńiske degen erik-jigerlerińiz qorshaǵan álemge pozıtıv syılap, mıllıondaǵan adamdy shabyttandyrýǵa arnalǵan», - dedi mádenıet jáne sport mınıstri Dáýren Abaev.
Sondaı-aq, paralımpıadalyq sport túrine enetin bochchadan el chempıonaty ótedi. Onyń maqsaty – úzdik bochchısterdi anyqtap, olardyń Paralımpıadaǵa qatysýlaryna múmkindik jasaý.
