Elordada múmkindigi shekteýli balalarǵa arnalǵan aktsııa ótedi
ASTANA. QazAqparat - Astana qalasynda 22 shilde kúni saǵat 09:00-de múgedek balalarǵa, sonymen qosa kópbalaly jáne turmys jaǵdaıy tómen otbasylardyń balalaryna arnalǵan «Qaıyrymdylyq arqyly birlikke» atty aktsııa ótedi.
Aktsııany uıymdastyrýshylar Astana qalasynyń Qazaqstan halqy Assambleıasy, Qazaqstan Respýblıkasy «Qyzyl Aı» qoǵamynyń Astana qalalyq fılıaly, Esil aýdanynyń múgedekter qoǵamy, Astana qalasynyń ishki ister departamenti bolyp tabylady. Shara sondaı-aq Astana qalasynyń ákimshiligi men «Jarııa Halyqaralyq ortalyǵy» qoǵamdyq qorynyń qoldaýymen ótýde.
Aktsııa barysynda múgedek, kópbalaly jáne jaǵdaıy tómen otbasylardan shyqqan 30 bala Astana qalasynyń «Ekoderevnıa» demalys ornyna barady.
QR «Qyzyl Aı» qoǵamynyń Astana qalalyq fılıalynyń eriktileri demalys barysynda ártúrli oıyndar men qyzyqty baıqaýlar ótkizedi. Baǵdarlama barysynda balalarǵa syılyqtar men túrli taǵamdar tartý qarastyrylǵan.
Astananyń polıtsııa qyzmetkerleri sharanyń qaýipsizdigin qamtamasyz etýmen qosa, balalardy oıyn tártibimen tanystyryp, qoǵamdyq oryn men kóshedegi tártipti saqtaýǵa úıretedi. Bul aktsııa Astana qalasynyń Beıbitshilik jáne kelisim jol kartasy jobasynyń aıasynda ótkiziledi. Jobanyń maqsaty ózge ulttar arasyndaǵy birlikti saqtaý, qoǵamdyq, etnıkalyq jáne mádenı kelisimdi, uıymdar arasyndaǵy baılanysty damytý bolyp tabylady.
Sharaǵa qatysýshylar Beıbitshilik jáne kelisim sımvoly retinde óz qoltańbalaryn Eskertkish kitabynda qaldyrady.
