Elordada múmkindigi shekteýli balalardyń qolóner eńbekteriniń kórme-jármeńkesi ótedi
ASTANA. QazAqparat - Astanada 21-23 naýryz kúnderi «Asia park» saýda oıyn-saýyq ortalyǵynda múmkindigi shekteýli balalardyń qolóner týyndylarynyń Naýryz meıramyna arnalǵan kórme-jármeńkesi ótedi. Bul týraly «Meıirimdilik-M» qaıyrymdylyq uıymy» qoǵamdyq qorynan habarlady, dep jazady elorda ákimdiginiń resmı saıty.
Merekelik sharaǵa múmkindigi shekteýli 30 bala qatyspaq. Ekspozıtsııaǵa múgedek balalardyń óz qoldarynan shyqqan 100-den astam týyndy qoıylady. Atap aıtqanda, kórmege kelýshiler olardyń sýretterin, kartınalaryn, túrli usaq-túıek zattardy, kıizden, aǵashtan jasaǵan buıymdaryn jáne t.s.s. óner týyndylaryn tamashalaı alady. Budan basqa, «Armysyń, áz Naýryz!» sharalar josparyna 5-15 jas aralyǵyndaǵy balalardyń qatysýymen ótetin kontserttik baǵdarlama engizilgen. Aıta keteıik, atalmysh is-shara jyl saıynǵy ıgi dástúrge aınaldy. Onyń maqsaty - múmkindigi shekteýli balalardyń máselesine qoǵam nazaryn aýdartý, sonymen qatar, balalardyń shyǵarmashylyq qabilettilikterin damytý bolyp tabylady. Esterińizge salaıyq, kórme-jármeńke esigi kelemin deýshiler úshin 21-23 naýryz kúnderi elordadaǵy «Asia park» saýda oıyn-saýyq ortalyǵynda saǵat 10:00-22:00 aralyǵynda ashyq.
