Elordada múmkindigi shekteýli adamdar qaıyrymdylyq aktsııasynda tegin medıtsınalyq kómek aldy
NUR-SULTAN. QazAqparat – «Salaýatty Astana» otbasylyq dárigerlik ortalyǵy múmkindigi shekteýli jandar men az qamtamasyz etilgen qart adamdarǵa arnalǵan qaıyrymdylyq aktsııasyn ótkizdi, dep habarlaıdy QazAqparat tilshisi.
Mundaǵy maqsat – az qamtamasyz etilgen qart adamdarǵa, jalǵyzbasty qart zeınetkerlerge kóńil bólý, sonymen birge múmkindigi shekteýli adamdardyń problemalaryna basa nazar aýdaryp, ómir súrý sapasyn jaqsartý. Sharaǵa búgin 50-den astam adam qatysty.
«Búgingi ótkizip otyrǵan shara ár qart adam men múmkindigi shekteýli jandardyń nazarymyzdan tys qalmaıtyndyǵynyń belgisi. Olarǵa erekshe kútim qajet. Árdaıym osy toptaǵy naýqastarymyzdyń úılerine mamandardy jiberip, medıtsınalyq tekserýler uıymdastyrylady. Arnaıy jedel járdem qyzmetimiz emhanada tekserilý qajet bolǵanda,olardy aparyp, alyp ketip demep otyrady. Biz úshin ár patsıenttiń jaǵdaıy mańyzdy. Biz úshin ár patsıent qymbat», - deıdi «Salaýatty Astana» fılıalynyń basshysy Almagúl Bazarova.
«Salaýatty Astana» otbasylyq dárigerlik ortalyǵy qonaqtarǵa jarqyn kontserttik baǵdarlama daıyndapty. Sonymen qatar, sharaǵa ár kelýshi medıtsınalyq tekseristen tegin ótip, mamandardan keńes aldy. Atap aıtsaq kardıolog, lor, hırýrg, nevropatolog, endokrınolog, ÝDZ, OBP (ishtiń múshelerine) mamandary kelýshilerge paıdaly keńespen bólisti.
Aktsııa qatysýshy astanalyq kóp balaly jáne múmkindigi shekteýli balasy bar azamattar ortalyqtyń dárigerlerine rızashylyǵyn bildirdi.
««Salaýatty Astana» otbasylyq dárigerlik ortalyǵynyń ujymyna alǵysymyzdy aıtqymyz keledi. Árbirimiz densaýlyǵymyzdy saqtaı bileıik. Ortalyqtaǵy dárigerler óte qarapaıym, kishipeıil. Búgin júregimdi kardıolog, nevropatolog tekserip jatyr. Keńpeıildikpen densaýlyǵymyzdy qaraýda. Bul aktsııa jalǵasyn tabar degen senimdemin», - deıdi ortalyqqa kelgen zeınetker Súıimhan Rahmetollaqyzy.
«Salaýatty Astana» JShS halyqtyń áleýmettik osal toptary úshin (kezeksiz dárigerden keńes alý) tegin medıtsınalyq kómektiń kepildendirilgen múmkindigin usynady. Qazirgi ýaqytta ortalyqqa tirkeldenger sany 70 myńǵa jýyq. Onyń ishinde, kóp balaly analar – 348, múgedekter – 932, Jalǵyz basty qarttar – 18,az qamtylǵan otbasylar - 77.
